بسبب الأكل.. انهيار شيرى عادل فى سلوفيينا وشريف سلامة ينقذها

كشفت الفنانة شيري عادل عن موقف صعب تعرضت له خلال تصويرها مسلسل "ملكة في المنفى" بسلوفيينا وقرارها العودة إلى مصر بسبب ما عانته هناك.

انهيار وبكاء شيري عادل

وقالت شيري، خلال لقائها مع برنامج "سهرانين"، المذاع عبر فضائية "ON": "سافرت قبل شريف بيومين، واتصلت عليه لقيته في المطار قلتله وأنا منهارة وبعيط خليك عندك ماتسافرش أنا جيه".

وأضاف شريف سلامة: "سمعت صوت واحدة بتبكي وتصرخ ومش عارف ايه اللي حصلها في النهاية اكتشفت انها جعانة".

وتابعت شيري عادل: "اكتشفت إن هناك كل الخدمات بتتوقف بعد الساعة 8 بالليل، وأنا اتصلت بالفندق أطلب أكل الساعة 11، قالوا مفيش أكل عايزة تأكلي يبقى الساعة 8 بعدها مفيش خدمات".

وأردفت: "اتصلت من الدليل بخدمة توصيل وطلبت أكل وهما بيضحكوا، والأكل ماجاش اتصلت تاني القيهم بيضحكوا بردوة بعدها فهمت إنهم ما بيقدموش طلبات بعد 8 والناس كلها نامت وأنا جعانة ولسا هاقعد 3 اسابيع فقررت انزل مصر". 

أضافت: "شريف قالي ما تتحركيش ووصل لقاني واخدة شنطنتي وقاعدة على باب الفندق، وحجزت سفر لمصر، فخدني وجابلي حاجات من بنزينه قريبة من الفندق".