متهمة «جمع الازواج»: «أختي وجوزها قالولي إني اتطلقت»
أدلت بها المتهمة بالجمع بين زوجين أحدهما شرعي والآخر عرفي، باعترافات تفصيلية أمام نيابة المقطم والخليفة الجزئية، لتسرد وقائع الجريمة المرتكبة منها.
- خلافات مع إخوة زوجي
قالت «ن. ح»، 29 عامًا، «حصل خلافات بيني وبين أخوات زوجي وبعد كده سبت الأقصر في شهر فبراير اللي فات علشان ابعد عنه وجبت القاهرة اقعد عند أختي بمساكن العبد في المقطم، ولما كنت قاعدة عندها قالتلي هي وجوزها «ش. ف»، أن جوزي «ع» طلقني وطلعولي قسيمة طلاق وورهالي وأنا ما بعرفش أقرأ ولا أكتب وبعدين قالولي مين هيخلي باله منك ومن عيالك ويصرف عليكوا، وقالولي اتجوزي «ع» علشان ياخد باله مني ومن عيالي وبعد كده أجر لي شقة في بلوك 187 بمساكن العبد ، في المقطم، وفي شهر يونيو اللي فات قابلت جوزي الأول في رمسيس وأعطاني فلوس وطلعت معاه فندق في رمسيس علشان يديني فلوس».
- معاشرة الأول أثناء الزواج الثاني
وتابعت المتهمة، «مش فاكرة اسم الفندق، وساعتها عاشرني معاشرة الأزواج وبعد كده سيبته ورجعت عند اختي وامبارح اتفاجأت زوجي الأول بيخبط على الباب بس مكنتش أعرف أن هو اللي بيخبط ومردتش افتح ولما عرفت أن هو اللي بره، كلمت أختي قالتلي صوتي ولمي الناس عليه وبعد كده لقيت الحكومة بتخبط على الباب فتحت لهم ونزلت روجت معاهم على بيت أختي وبعد كده اخدوني أنا وزوجي التاني بعد ما جاب عقدين الجواز العرفي اللي كتبناهم وخدونا على القسم».
- قبضوا عليا لوحدي
وقالت المتهمة أنها التقت بزوجها الأول بناء على رغبة شقيقتها وزوجها ، وكانت في ذلك الوقت متزوجة من الثاني، وكانت تقيم في الشقة المؤجرة لها من الزوج الثاني -العرفي-، ووقت الضبط كانا برفقتها أطفالها«ح وع».
وأنكرت المتهمة ارتكاب جريمة الزنا، بالاشتراك مع المتهم «ع»، ابن عم المبلغ ، والزوج الأول، وقررت النيابة حبسها وإحالتها للمحاكمة التي قضت بحبسهما عامًا.
