كنيسة رابطة القدس: لا أخطاء لاهوتية في المذبح أو أيقونة حضن الأب
رأس قداسة البابا تواضروس الثاني، بابا الإسكندرية وبطريرك الكرازة المرقسية، قداس تدشين «كنيسة القيامة والسيدة العذراء مريم القبطية الأرثوذكسية»، والمعروفة باسم «كنيسة رابطة القدس»، بحي الظاهر، بالعاصمة المصرية القاهرة، وذلك منذ أيام قليلة، وجاء ذلك عقب التجديدات الأحدث بالكنيسة.
جدل حول أيقونة «حضن الأب»
ونشرت الكنيسة عبر صفحتها الرسمية، بيانًا لحسم الجدل الدائر حول أيقونة «حضن الأب» أو «الباندوكرادور»، والتي أشاع البعض أن بها خطأ لاهوتي، فقالت الكنيسة: «فى بعض الصفحات طلعت كلام غير صحيح، بتقول إن حضن الاب الخاص بالكنيسة واخده الطابع الخلقدونية؛ بسبب إشارة يد السيد المسيح وان المذبح واخد الطابع الكاثوليكى أكتر».
وأضافت: «أولًا كنيسة رابطة القدس كل حاجة فيها معمولة زى القدس بالظبط؛ عشان الناس اللى مش بتقدر تسافر القدس تيجى عندنا الضاهر، وعندنا كنيسة العذراء وبيت لحم بالدور الأرضي فيها الجلجثة بنفس المقاسات وحجم الصليب وعدد القناديل اللى معلقة أمام الصليب ، ومزار العذراء يوجد بها المهد حيث مولد السيد المسيح، بنفس المقاسات وعدد القناديل اللى موجودة هناك بردو».
وتابعت: «بخصوص كنيسة القيامة بالدور السادس، أولا المذبح هتلاقيه ملاصق بالحائط زى المذبح إللى فى كنيسة القيامة بالقدس، والمذبح اللى فى القدس تم تدشينه بيد البابا اثناسيوس الرسولي، زى ما كتب بكتاب السنكسار وتحديدا قراءات يوم 16 توت، وهو أول الشهور القبطي، موضح لينا والناس اللى بتسئل كدة هنعمل دورة البخور إزاى حول المذبح بتتعمل على شكل صليب».
واختتم: «ثانيا حضن الاب وإشارة يد السيد المسيح، أصابع يد المسيح تشير لأربعة حروف وهي IC XC، والحروف الأول والأخير من كلمة يسوع المسيح، وهم الأربعة حروف التي يتم كتابتهم دائما علي أيقونة المسيح ضابط الكل، يسوع المسيح في اللغة اليونانية».
