عرفات «جزيرة غمام».. كيف تحول أحمد أمين إلى أيقونة «السوشيال ميديا»؟
خطف النجم أحمد أمين الأنظار من خلال دوره في مسلسل جزيرة غمام، حيث جسد شخصية الشيخ عرفات، طيب القلب الذي يمثل الخير في قصة العمل الدرامي الذي ينافس على المراتب الأولى بين المسلسلات الأكثر مشاهدة خلال سباق الدراما الرمضانية 2022.
وتعتبر شخصية الشيخ عرفات من الشخصيات المركبة التي تحتاج إلي فنان مُتقن، والتي تفاعل معها رواد مواقع التواصل الإجتماعي من خلال تداول الجمل والحكم التي وصفها البعض بـ"جمال الكلام".
«الدستور» يرصد في السطور التالية أبرز الجمل الحوارية للفنان أحمد أمين .
كل واحد شايل قبر حبايبه في قلبه وماشي بيه ..اللي ماتوا زي ماكانوا عايشين وحيين جواك عشان هتحبهم ..هيفضلوا عايشين جواك ...حتي لو ماتوا مافيش فرق".
"إن إللي يحب ربنا يحبه وإن فلوس الجامع الفقير أولى بيها، وإن القلب له وضوء زي ما فيه وضوء للإيدين والراس والرجلين".
"إللي ينفع الناس هو إللي يخدمهم وتحتيهم مش إللي فوقيهم، وإن إللي ما عايزش تدوله، وإللي عايز ويطلب بعدوه، وإن إللي ينصح بالفقر وهو غني يبقى شيطان".
"أصعب حاجه هي أحلى حاجه، وأصعب حاجه هي الرضا، لو الواحد رضا ربنا يرضى عنه؛ ولو ربنا رضى عنك يبقى مفيش بعد الرضا غير الرضا".
"ربنا حنان منان كبير ماعينساش حد.. هو اللي يهدي العاصي.. هو اللي يغفر للمذنبين.. وأنا أولهم وإني ماعايزش حاجة من حد".
" هبت الريح فملاح شكا عند مجراها وملاح شكر.. ليس في الريح ولا في البحر بل في هوى الأنفس ما ساء وسر".
"افرحوا ياشباب واتبسطوا واستبشروا خير متخافوش ولا تحزنوا.. عيشوا وافرحوا اشتغلوا واكسبوا.. عارفين مين أوحش الناس اللي يوعظ الناس ينهاهم عن حاجة وهو يعملها"
“العين بتشوف على قدها، لكن القلب بيشوف قد البحر، الموت جميل زي الحياة”.
"كله منه هو اللي يجرح وهو اللي يداوي هو اللي يتوهك وهو اللي يهديكي هو اللي يزعلك ويصالحك يرمي في البير ويطلع اللي من البير أمير.. و يسكنك الجنة ويطردك منها علشان ترجعي لها عن حب مش ورث.. ويرمي في النار ويخليها برد وسلام"
