النيابة تأمر بتفريغ الكاميرات فى واقعة التحرش بالفنانة كارولين عزمى
أمرت النيابة العامة في القاهرة، اليوم الخميس، تفريغ كاميرات المراقبة في واقعة اتهام الفنانة كارولين عزمي، لشخص بالتحرش بها لفظيًا، وطلبت تحريات المباحث حول الواقعة.
ودلت تحريات أجهزة الأمن بالقاهرة فى واقعة القبض على المتهم بالتحرش بالفنانة كارولين عزمى أن الواقعة حدثت بأحد شوارع منطقة النزهة.
وأضافت التحريات أن المتهم سائق بشركة توصيل شهيرة وفعل حركة خادشة للحياة بيده وتم ضبطه.
كانت الفنانة كارولين عزمي قد نشرت فيديو عبر حسابها الشخصي بموقع التواصل الاجتماعي «انستجرام»، توثق خلاله تعرضها للتحرش أثناء قيادة السيارة، وعلقت كارولين على الفيديو قائلة: «أنا اللي يعرفني أو متابعني عارف اني شخص مالوش في المشاكل ولا عمري شاركت مشكلة تخصني على سوشيال ميديا.. باختصار النهاردة كنت في عربيتي وجنبي عربية فيها واحد كسر عليا كل اللي عملتوا انا بصتله وبصيت قدامي ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفاجأت وهو بيقولى بتصوريني يا بنت "لفظ خارج".. ساعتها اتخضيت و بدأت اصور بجد وانتو هتشوفو في الفيديو الحركات اللي بي أيده و الشتايم.. وبدء يقولى تعالى ورايا والحقيقة انى مش عارفه اروح واره فين أو كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا».
وتابعت في تعليقها على الفيديو: «أنا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد أنه شخص مريض.. أكيد الشخص دا أذى بنات كتير لأنه تقريبا متعود على الحركات دى ومتعود يخوفهم ومش همه حتى انه يتصور ويتفضح.. انا عايزه حقى يرجعلى».
