محمد العدل مهاجما حلا شيحة: «لما تتطلقي ما ترجعيش تقولي عاوزة أمثل»
هاجم المخرج محمد العدل الفنانة حلا شيحة من خلال منشور له عبر حسابه الشخصي على موقع التواصل الاجتماعي “فيس بوك”، بعد هجومها الأخير على الفنان تامر حسني على خلفية طرحه كليب “تمثال” من فيلم “مش أنا”.
وكتب محمد العدل في منشوره، “ياريت بس لما تطلقي مترجعيش تقولي عايزة أمثل تاني يا أستاذة حلا”، وهو ما تفاعل معه عدد كبير من المتابعين على “فيس بوك”.
ونشرت حلا، عبر حسابها الرسمي على موقع الصور “انستجرام”، منشورًا قالت فيه: "أنا اتفاجئت جدًا بنزول كليب يجمع فيه مشاهد متفرقة من الفيلم، خصوصا بعد آخر بوست نزلته ووضحت فيه أنا إيه.. واتفاجئت أكتر خصوصًا بعد وعد تامر حسني ليا وتأكيده أنه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي".
وتابعت حلا شيحة، عبر منشورها: "إحنا يمكن نجحنا بمقاييس الدنيا بس صدقوني بمقایيس ربنا إحنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسی".
وأضافت “شيحة”: "أنا مش حتكسف من حد.. أنا تبت من المشاهد دي وهي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلًا علشان النجاح الحقيقي حاجة تانية خالص إحنا أغلبنا ناسينها إلا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".
واختتمت: "إحنا كلنا عندنا امتحان في الدنيا دي وحابة أفكرك بالفيديو ده یا تامر اللي قولت فيه أنا مش بتمني أموت وأنا مطرب أنا دايما خايف کده.. كلام أكيد قولته في لحظة صدق جواك وجوانا كلنا من شوفه تاني يمكن يفكرك أن جواك أكيد في صراع وأنا وكلنا كلنا بنغلط بس المهم في الآخر نتدارك الغلط و نصلح .{إلا من تاب وآمن عمل عملًا صالحًا أولئك يبدل الله سيئاتهم حسن وكان الله غفورًا رحيمًا.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".
وكانت حلا شيحة شاركت تامر حسني في فيلم “مش أنا” بمشاركة عدد كبير من النجوم منهم الفنانة سوسن بدر، حجاج عبدالعظيم، عصام السقا، محمد الجوهري، فايز المالكي وعدد من نجوم وضيوف الشرف منهم الفنان محمد عبدالرحمن توتا، الفنان إياد نصار، ومن تأليف تامر حسني وإخراج سارة وفيق في أولى التجارب الإنتاجية لحسام حسني شقيق تامر حسني بمشاركة سينرجي فيلمز للمنتج تامر مرسي ويعرض بعدد كبير من دور العرض السينمائي.
