شاهد.. مشادة بين متصلة وضيوف الإبراشي بسبب الفساتين و"اللبس المحزق"

نشبت مشادة كلامية حادة بين أحدى المتصلات تدعى زينب من الشرقية وبين الدكتورة دينا أنور مؤسسة حملة "البسي فستانك واستردي أنوثتك".

وقالت زينب خلال مداخلة هاتفية مع الإعلامي وائل الإبراشي ببرنامج "العاشرة مساء" المذاع على فضائية "دريم2": "تحرش إيه اللى عندنا، أنتي لابسة جيبة نص متر، وظهرك كله عريان".

من جانبها ردت مؤسسة حملة "البسي فستانك واستردي أنوثتك": "مش عايزة حد يحترمني علشان لبسي.. اللي مش عايز يحترمني علشان لبسي هو إنسان مريض أنا مش مضطرة إني أعمل حسابه".

وأضافت "رضا الناس غاية لا تدرك، وأنا كل اللي يهمني إني أرضي نفسي واتفق مع نفسي واللي عاجبه على كده عاجبه واللي مش عاجبه هو حر".

وانتقدت المتصلة جميع الحملات التي تنادي بشكل معين في الملبس، موجهه الحديث إلى محمد راضي مؤسس حملة "استرجل.. ومتلبسش بناتك محزق"، قائلة: "أنت أخواتك البنات لابسين إيه، حرام عليكوا خربتوا أولادنا، عمر اللبس ما كان حرية شخصية".