منى الدغيدي تكشف تفاصيل مرضها بعد اتخاذ نجلها آسر ياسين هذا القرار

كشفت منى الدغيدي، والدة الفنان آسر ياسين، عن ذكرياتها مع قرار ابنها بترك الهندسة والتوجه إلى التمثيل، مؤكدة أن هذا القرار أثر على صحتها ومرضت من القلق والزعل.

وقالت، خلال حوارها ببرنامج “الستات مايعرفوش يكدبوا”، والمذاع عبر فضائية cbc: "هذا الموضوع تسبب لي في أزمة روماتويد، لأن أنا وزوجي كنا بنبذل مجهود كبير جدًا علشان نضمن مستقبل ولادنا في الهندسة، كأننا كنا بنجري عشان نوصل لشط الأمان، وآسر كان خلاص بقى مهندس، وفجأة قرر يبدأ شريط جديد في التمثيل".

آسر نموذج مشرف 

وأضافت: “هو كان بيمثل في مسرح الجامعة، لكن الهندسة كانت مجال دراسته، لما قرر يسيب الهندسة، كان خوفي عليه من المجهول هو اللي تعبني، لأن المجال ده ما كنتش عارفة هو هيعمل فيه إيه، لكن الحمد لله، آسر أثبت نجاحه بشكل كبير جدًا”، مؤكدة أن آسر ياسين نموذج مشرف على كل المستويات.