محيى إسماعيل عن روتينه يوم رأس السنة: "باكل وأنام وهقضيها فى السرير"
كشف الفنان محيي إسماعيل عن تفاصيل روتينه يوم رأس السنة الميلادية، قائلًا: "هقضي يومي في السرير، باكل وبنام عادي في أي وقت".
وأضاف إسماعيل، اليوم، خلال مداخلة هاتفية، مع الإعلامية فاتن عبدالمعبود ببرنامج "صالة التحرير" المذاع عبر قناة "صدى البلد"، "أنا بقضي يومي كله يا في السرير يا برة السرير يا إما في مطعم أو في رحلة.. لكن السنادي هبقى في البيت على السرير".
وتابع: "بمناسبة السنة الجديدة قلت لواحد قريبي بس كل سنة وإنت طيب ده كفاية.. كل واحد عارف إن هو كويس وخلاص".
ووجه الفنان محيي إسماعيل، رسالة إلى المصريين بمناسبة العام الجديد، قائلًا: قوة الحب أقوى من حب القوة، ولما نتعب شوية اللي يقوينا هو الحب.
وتابع: مبتفرجش على أي أعمال فنية دلوقتي إلا بظروفها لو حاجة جت حلوة وخلاص.. غير كده باكل وأنام فقط.
