"أنا معديك وأنت بعيد أوى".. ويجز يهاجم رامى صبرى.. ما القصة؟
شن مغني الراب ويجز هجومًا عنيفًا على الفنان رامي صبري، على خلفية تصريحات الأخير بشأن موسيقى الراب والمهرجانات خلال لقائه ببرنامج "حبر سري".
ونشر ويجز على خاصية القصص المصورة الملحقة بحسابه الخاص على "إنستجرام" مقطع فيديو تداوله نشطاء على مواقع التواصل الاجتماعي، عبّر من خلاله عن استيائه من تصريحات صبري حول عدم فهمه لكلمات أغانيه، منتقدًا حديثه عن فنون لا ينتمي إليها، مشددًا على ضرورة احترام الفنانين في مجالاتهم المختلفة.
قال ويجز في الفيديو: "الفنان فاكر إن عنده صلاحية يطلع يتكلم في أي وقت عن أي حد، والناس تسمع وتسكت... الفنان ده رامي. كل ما يقعد كده أربع خمس شهور يزهق، يطلع يتكلم في التليفزيون عن بتوع الراب... أنت بتتكلم إمتى عن بتوع البوب اللي أنت منهم؟".
وأضاف: "لو لقيت حد بيعرف يسوق عجلة وأنا ما بعرفش، بحترمه لأنه اشتغل على نفسه في حاجة أنا ما اشتغلتش عليها".
وصعّد ويجز من حدة انتقاداته بقوله: "أنت شايف إن الفنانين دول بيحاولوا يوصلوا لمستوى أنت فيه، في حين إنهم معديينك... مش رقم 2 يا رامي، أنت رقم 19 بعيد أوي".
واختتم حديثه بالإعلان عن أغنيته الجديدة المنتظرة في السابع والعشرين من الشهر الحالي، ساخرًا: "استنوا الأغنية الجديدة، ورامي ممكن يشرح لنا الأغنية دي بعد ما تنزل لو فهمها".
كان رامي صبري قد تحدث خلال لقائه في برنامج "حبر سري" عن المهرجانات والراب قائلًا: "المهرجان مش بيتغنى... حلو والناس بتحبه وأنا ساعات بسمعه، لكن مش هو اللون اللي ممكن أغنيه".
وأكد احترامه لموسيقى الراب، مشيرًا إلى أنه يوافق على التعاون مع نجوم مثل مروان بابلو وويجز في عمل غنائي ثنائي، موضحًا: "ويجز شاطر ومجتهد وفرض نجاحه، وأغانيه معروفة، وأنا لسه عند كلامي أني مبفهمش كلمات أغانيه، في أغاني بتاعته لغاية دلوقتي مبفهمش كلماتها"، مضيفًا: "طول ما المهرجان محترم تمام، والقانون لازم يطبق على الكل عشان فكرة المنع تبقى مقنعة".
