"مباخدش فلوس".. عفاف رشاد تكشف سبب رفض العمل مع السبكى
أثارت عفاف رشاد الجدل خلال الساعات الأخيرة بعد تصريحاتها النارية حول رفضها العمل مع عائلة السبكي لأسباب شخصية، ما جعلها تتصدر ترند مواقع التواصل ومحرك البحث العالمي جوجل.
وقالت عفاف رشاد في تصريحات تليفزيونية إنها رفضت العمل مع عائلة السبكي بسبب عدم مقاضاتها للمال، فقررت التوقف عن العمل معهم رغم تميزهم في الإنتاج الفني منذ الزمن الماضي.
وعلقت قائلة عن سؤالها لسبب توقفها عن العمل مع السبكي:“أنا اشتغلت مع السبكية كتير مع أبو ابني محمد السبكي ومع أحمد السبكي اشتغلت أكتر، لكن جيت وقت قولتلهم لا كفاية حرام عليكم أنا مباخدش فلوس ولسه بنتكلم على المنتجين اللي مبيدوش فلوس الفنانين، فقررت مش هشتغل معاهم تاني رغم إنه أبو ابني وان هما شاطرين قوي في مجال الإنتاج من زمان”.
وعن علاقتها بطليقها محمد السبكي قالت: “ماكنتش بلاقيه موجود على طول بسبب الوسط الفني، ولقيت إني مش هقدر أكمل وقولت خلاص أنفصل وكنت خلاص خلفت عمر وكان كفاية عليا، وأنا ومحمد صحاب جدًا، ومفكرتش من وقت ما اطلقنا من ٣٢ سنة إني أتجوز تاني، أنا قررت أعيش لابني وأربيه وكان كل هدفي أكون أم وبس”.
