ويجز يجهز مفاجأة فى حفله بمهرجان العلمين: مستنى كل الناس (فيديو)

قال المطرب ويجز، إنه ينتظر حفله يوم الجمعة في مدينة العلمين الجديدة ضمن فعاليات مهرجان العلمين.

وأضاف ويجز، في مداخلة مع الإعلامي إبراهيم عبدالجواد على قناة "dmc":"انتظار الناس للحفلة حاجة تبسطني جدًا، وإن شاء الله تكون حفلة حلوة والناس كلها تتبسط"، متابعًا: "حفلة العلمين بتكون مختلفة وتجدد طاقتي ومتحمس جدًا أشوف الحضور الجماهيري الكبير في الحفل".

وأشار إلى أنه سيطرح ألبوه الجديد خلال الفترة المقبلة، متابعًا: "مش عاوز أحرق المفاجآت في الحفلة، وأكيد عارف إن الناس عاوزة تسمع حاجة من الشغل الجديد وإن شاء الله نقدر نعمل ده".

وتحدث ويجز عن مدينة العلمين الجديدة قائلًا: "مفيش أجمل من مياه مصر ورملة مصر، وأنا نفسي قاعد مبسوط والناس كلها مبسوطة وطاقة المكان رائعة، ودايما مدينة العلمين تدلع الدنيا".

وأضاف: "مش بعمل حاجة كبيرة بحاول أوصل اللي أنا بحس بيه من خلال المزيكا، بشتغل شوية وأريح شوية، مبسوط جدًا إن التذاكر اتباعت ومستني كل الناس في العلمين الجديدة".

وأردف: “ربنا أعطاني شوية نجاح ونصيحتي لأي حد إن لو أي حد عنده أمل في أي حاجة يكمل فيها لحد الآخر لأنها ممكن تكون الحل، الحياة فيها أوقات حلوة وأوقات وحشة”.