خالد سرحان لـ"حد النجوم": قعدت مع نجيب محفوظ وإحسان عبدالقدوس وأنا صغير (فيديو)

تحدث الفنان خالد سرحان، عن نشأته وأسرته، قائلًا: "القراءة كانت بالنسبة لوالدي ووالدتي كنز".

وأضاف سرحان خلال حواره لبرنامج "حد النجوم" المُذاع على قناة "On" على هامش فعاليات مهرجان العلمين: "مينفعش حد يكتب غير ما يكون بيقرأ، لو جواك كاتب كويس اقرأ روايات كثيرة جدًا، ده اللي هينشط عضلة الكتابة وهيوسع المدارك والأفكار، وهيطلع موهبتك".

وتابع: "أنا متربي في مؤسسة روزالويسف كنت طفل صغير ووالدتي تاخدني معاها، كنت بشوف محمود سعد وهو صغير والأستاذ مفيد فوزي وناس عظيمة".

واستكمل: "كنت منبهر بيهم من زمان وأما دخلت وسطهم الموضوع كان أسهل".

خالد سرحان: أبويا قرأ 80 ألف كتاب

وأردف: "كنت بقعد في الصالونات الثقافية في منزلنا وكنت بشوف عبدالمنعم مدبولي وعزت العلايلي ولويس جريس وقعدت مع الأستاذ نجيب محفوظ في إسكندرية وأنا صغير في سان ستيفانو، وقعدت مع الأستاذ إحسان عبدالقدوس".

وأضاف: "مكنتش قارئ جيد في البداية لكن كنت بحب الروايات لكن مش بالكم بتاع أهلي، أبويا قالي أنه قرأ 80 ألف كتاب".