اقعد ادعى
اقعد ادعى ع اللى باعك
واللى سقّف للى باعك
واللى سقف للى سقف للى باعك
واللى خانك لجل ما ياخد لقب خاين «فخانك»
واللى كرّسلك حياته عشان يهدك
يقتلك ع الهادى
ولو تفلت.. يشدك
يتبسط يعلى لو إنت اتقلّ شانك!!
اقعد ادعى...
ع اللى قاتل كل شىء حلو ف حياتك
واللى سقف للى قاتل كل شىء حلو ف حياتك
واللى سقف للى سقف للى قاتل كل شىء حلو ف حياتك
واللى يفرح لو دموعك شققت خدك فبانت
واللى هانت عشرتك وياه وهانت
كل حاجة أصبحت بالكره كانت.. غصب عنك
اقعد ادعى....
مش هاقول بعدك آمين أو أخلى حد من بعدك
يرد يقول آمين....
