شارموفرز يطرح "هل؟" لتسليط الضوء على معاناة أهل غزة
طرح فريق شارموفرز عبر قناته الرسمية بموقع يوتيوب، والمنصات الموسيقية المختلفة أغنية جديدة بعنوان "هل؟"، دعمًا للقضية الفلسطينية.
تفاصيل أغنية شارموفرز الجديدة
الأغنية من كلمات محمد الشافعى، وألحان أحمد بهاء، وتوزيع محمد العرقان.. ومن توزيع شركة "ديجيتال ساوند".
وقرر شارموفرز طرح أغنية "هل؟" لتسليط الضوء على الكوارث الإنسانية التي تحدث على الأراضي الفلسطينية، وما يتعرض له أهالي قطاع غزة على يد الاحتلال وتضامنًا من الفريق، وتعبيرًا عن حزنهم، فى ظل استمرار الحرب، وبوتيرة قوية تحصد معها أرواح مئات الفلسطينيين يوميًا.
تقول كلمات أغنية "هل؟":
هل فيه طريقة .. للرجوع للحياة؟
بعد الحقيقة.. وبعد اللي شوفناه
بعد انعدام الإنسانية .. والرجوع للجاهلية
والمشاهد المأساوية.. وكل اللي عيشناه
هل فيه طريقة.. نبتسم ونعيش
والناس هناك.. يومهم ميعديش
مع أننا نفس القضية .. وكلنا نفس الضحية
الفرق بينا خطوتين .. يعني المسافة، مفيش
بعد استماع .. صوت الآهات
ع التليفونات .. رؤيا الوشوش المقهورين
جوه الشاشات
بعد ما عرفنا آلام .. وعيونا بطلت تنام
وحضرنا قَتل الأُمنيات
وشوفنا ناس بِقلوب حَجر .. عُمي النَظر
اخترعوا أسباب للسكات
ميهمهومش لا صوت صريخ.. ولا صوت عِياط
ويهمهم صوت ضحكهم، وقت الحداد
هل فيه طريقة .. للرجوع للحياة
بعد سمع بُكا البنات ع الأمهات
وجع الأم وحزنها .. خوفها وكسرة قلبها
قلة حيلتها وضعفها .. وأملها تحصل معجزات
هل فيه طريقة.. نبتسم ونعيش
والناس هناك.. يومهم ميعديش
مع أننا نفس القضية .. وكلنا نفس الضحية
والفرق بينا خطوتين .. يعني المسافة مفيش
بس إحنا برضه مؤمنين بالله .. مين يهزم اللي ربه واقف معاه
هنشوف على وشوشهم ف يوم .. نفس الألم نفس الوجع والكسرة
والخوف والهموم .. والفرق بينا أننا
مِسلمين لربنا .. ووعده لينا أننا هنقوم.
