"الكبري أوي7" الحلقة 28.. هل يسعي محمد سلام للانتقام من "هدرس"؟
اشتعلت أحداث الحلقة 28 من مسلسل “الكبير أوي7”، حيث تلقى “الكبير” رسالة نصية عبر هاتفه، تفيد بإلغاء مهرجان المزاريطة الفني لهذا العام.
الكبير أوي 7 الحلقة 28
وتساءل محمد سلام عن السبب، ليرد "الكبير": "أصل حزلقوم رئيس المهرجان مقدم نفسه في انتخابات النقابة وهو الدكتور أشرف ذكي مسكوا في بعض، وباسم سمرة قاعد بيهديهم".
ويذهب الفنان محمد سلام إلى قرية المزاريطة بحثًا عن هدرس الذي يجسد شخصيته ضمن أحداث مسلسل الكبير أوي7، وعندما يراه “هدرس” يشعر بخوف وغضب شديد ويحاول الهرب.
ويعلق “هدرس”: "انت مش عايز تمسكني عشان اتحبست مكاني في مهرجان المزاريطة وأكيد طول ما انت في السجن كنت بتفكر تنتقم مني إزاي".
محمد سلام يتحدث عن حياة الفنانين
ويتحدث هدرس مع سلام قائلًا: "إيه المصلحة اللي كنت عاوزني فيها"، ويرد سلام: "شوف ياهدرس بصراحة كده انا بقالي فترة عندي حالة اكتئاب زهقت من حياة الأضواء والشهرة نفسي أرجع لحياتي الطبيعية، انت عارف الفنانين دول مظلومين جدًا، حياتهم قاسية الناس بتشوفهم من برا حياتهم براقة وحلوة وهي فعلًا حياتهم حلوة جدًا، يعني بياخدوا فلوس كتير، كل الناس بتقعد تشاورلهم، يمشوا في الشارع يا فنان يا فنان، البنات تتحدف عليك من كل حتة عايزة تتصور معاك، كل الأبواب بتتفتحلك، بتدخل أي مطعم بتاكل متدفعش".
وطلب محمد سلام من “هدرس” أن يتابدلا شخصياتهما، قائلًا: "ليه منبدلش حياتنا، انا اخد شخصيتك وانت تاخد شخصيتي، نستغل الشبه اللي بينا دا"، ويوافق هدرس قائلًا: "يعني عايزنا نقلد فيلم إعدام ميت، ويعني انا هبقي فنان وهقابل الفنانة غادة إبراهيم".
