«أنا مش عايزة اتطلق».. جديد حنان عطية بمعرض القاهرة الدولي للكتاب

صدر حديثا عن دار ليان للنشر والتوزيع كتاب "أنا مش عايزة اتطلق" للكاتبة الدكتورة حنان عطية بالتزامن مع معرض القاهرة الدولي للكتاب في نسخته الـ 54 والتي تنطلق خلال الفترة من 25 يناير وحتى 6 فبراير المقبل.

وجاء في التصدير: “الكتاب برنامج عملى تطبيقي يومي مدته 90 يوم خطواته بسيطة سهلة التطبيق، إن كنتي تعانين في حياتك الزوجية، ووصلتي مع زوجك لطريق مسدود، مش شايفة قدامك حل غير كلمة  (أنا عايزة اطّلق)، سواء قولتي الكلمة وطلبتيها أو لسه بتفكري فيها، قلبك عاجزا عن اتخاذ القرار السليم وعقلك مش مطاوع قلبك في اختياره، أسباب كتير عايزه تكملي علشانها وأسباب تانيه عايزاكي تقولى كفاية كده تعبت خلاص، حاسة إن بدأت صحتك الجسمانية والنفسية كمان تتأثر بسبب ضغط العلاقة دى عليكي”.

وأضاف: “فالكتاب ده ليكي، برنامج عملى يومي خطواته بسيطة وسهلة التطبيق ونتائجه كانت سريعة ومُرضية مع ستات كتير قبلك، في نهاية الرحلة بإذن الله إنك هتكوني قادرة على الاختيار الصح المناسب لحالتك ولظروف حياتك، فانتِ الوحيدة صاحبة الاختيار والقرار سواء بالإصلاح والاستمرار او الطلاق والانفصال، والقرار ده يحتاج إنه يكون عن وعي، وإدراك، وفهم تام، لان الوعي، والفهم، والإدراك هو اللي بيفرق بين الشخص الحكيم من غيره في اتخاذ قراراته”.

أما عن الدكتورة حنان عطية فهي كاتبة مصرية، حاصلة على دكتوراه مهنية في الصحة النفسية ومجموعة من الشهادات في مجال العلوم الإنسانية والتدريب، كوتش علاقات وعلم نفس إيجابي معتمد (ICF) 

ممارس تقنية الاتزان العاطفي وعلم نفس الألوان معتمد من معهد لوشر بسويسرا، قدمت دورات تدريبية وورش عمل للسيدات في إدارة المشاعر الذاتية وإدارة الأعباء الحياتية والاتزان الشعورى، وعن طريق جلسات الكوتشينج ساعدت مئات السيدات في اجتياز وحل العديد من المشكلات الزوجية.