عيني علينا يا أهل الفن
أعتقد، والله أعلى وأعلم، إننا لو بدأنا نحكي عن علاقة عموم المصريين بـ أهل الفنهـ نكون محتاجين مجلدات.
اللي هو الغالبية العظمى من الشعبنفسهم يدخلوا عالم الفن: يمثلوا/ يغنوا/ يخرجوا/ يكتبوا/ .....أي حاجة من الريحة، ولو اتعرض عليهم دخول مجال الفنمش هـ يفكروا ثانيتين، وهـ يقبلوا بـ كل سعادة، ولو حضرتك مخرج أو ليك علاقة بـ الوسط، أكيد بـ تتعرض لـ مطاردات مستمرةمن ناس عايزين حد يكتشفهم.
حيلو!
حيلو
بس دا مش معناه مطلقا مطلقا، إنهم بـ يكنوا أي احترام أو تقدير لـ أهل الفن، بـ العكس، هم بـ يتصوروا الفنان دا شخص تافه، بـ يشتغل شغلانة تافهة، لا يبذل فيها أي مجهود يذكر، ويحصل في المقابل على أموال لا تنتهيينفقها على حياة سرمدية من العربدة، مش بـ يعمل فيها حاجة، غير إنه يمارس الجنس ويتعاطى المخدرات، وبـ الطبع سكران طينة ليل نهار.
حيلو!
حيلو
لكن برضه تقييمه دا لـ حياة الفنان، واحتقار المهنة وأهلها(المهنة اللي بـ يحلم طول الوقت لو أتيحت له فرصة فيها) الاحتقار ما يمنعوش إنه لما يقابل فنانـ/ ـة في الشارع، أو في مول مثلا، يتعامل معاه بـ حفاوة وترحيب، وأهلا يا فنان، كلنا بـ نحبك والله، ويبقوا عايزين يتصوروا معاه، وممكن يكتبوا في السي في بتاعهم:قابل الفنان الفلاني في مطار القاهرة.
حيلو!
حيلو
لكن دا لا يمنعإنه الفنان ما يقدرش يمشي في الشارع، أو ينزل يصور في مكان به تجمعات كبيرة، لـ إنه نفس ذات نفس الشخص دالو قابل الفنان في جمع من البشرلن يتورع عن إلحاق الأذى به على أي نحو، بـ اعتبار الفنان دا من المؤكد إنسان منحرف يستاهل اللي يجرى له.
حيلو!
حيلو
لكن هذا الفنان المنحرف (من وجهة نظر المواطن)لازم يقدم فن أخلاقي، وما ينفعش يطرح أفكار في عمله، أو حتى يقول تصريحات فيها ما يخالف "الصح" أو يهدر "قيم المجتمع"، أو حتى يبقى فيه شبهة إنه بـ يعمل كدا أو يقول حاجة مختلفة عن مسطرة المجتمع الافتراضية، ودا ليه؟
طبعا لـ إنه الفنان قدوة، وموكل له إلى جانب عمله بـ الفن(وربما قبل عمله)مهمة تربية النشء وتكريس المثل العليا.
طاه، لما الفنان دا يعمل حاجة "صح"فيها مثلا شهامة أو جدعنة أو تضحية أو .....يبقى إيه؟يبقى عايز ياخد اللقطة، عبط إحنا يا عصام؟ما إحنا عارفين اللي فيها.
طاه، لما الفنان يعمل حاجة "غلط": فيها عك على المستوى الشخصي مثلا، يبقى إيه؟
يبقى شفت! شفت!آدي يا عم الفنانين، وفي كل الأحوال حياته مباحة، ولو كح يبقى موضوع، وأغلب الناس تسمح لـ نفسها إنها تناقش أدق أدق التفاصيل، وكـ إنهم عايشين مع الفنان في البيت.
بـ المناسبة، الحكاية دي مش حديثة، من زمان وهي كدا، وأدعوك لـ سماع أغنية أهل الفن لـ إسماعيل ياسين:
عيني علينا يا أهل الفن يا عيني علينا
ناكل قر ونشبع زن وقلع عينينا
نسمع كلام زي الكرابيج
ويقولوا عنا اللي ما يتقال
شقانا بـ يسموه تهريج
وحرق دمنا لعب عيال
وكتير ينادوه
وكتير يعادوه
وكتير حسدوه
خيبة نمبر ون
عيني علينا يا أهل الفن
