مواطنة مؤيدة للرئيس: «عمرك ما خذلتنا.. ومكملين معاك لآخر المشوار» (فيديو)

قالت الدكتورة حنان مصطفى، مستشار التحول الرقمي في المؤسسات التعليمية، إنها انتخبت الرئيس عبد الفتاح السيسي في 2014 و2018، مضيفا: «اترجيت حضرتك تاني.. أرجوك تبقى معانا لدورة تانية وعمرك ما خذلتني في كل مرة كنت القوي الأمين الصادق اللي بيقدم لينا كل حاجة بتوعدنا بيها».

وأضافت «حنان» في فيديو مصور: «أنا على يمين بيتي المونوريل وربط مدينتنا بالمحور مكناش الأول بنقدر ننزل القاهرة بسبب زحمة المحور بالساعات».

وتابعت: «الحاجة الثانية ياريس احنا يمكن نكون تعبانين من الأحوال الاقتصادية بس الناس مش عارفة إن العالم كله بيتعرض للأزمات دي وبسبب أن التعليم خلال الـ١٢ سنة اللي فاتوا مكنش كويس مكنش في صالح الجيل اللي كبر دلوقتي وبقي عنده سمارت فون لا عنده توعية ولا تعليم ولا أسرة تربية ولا إعلام يوجه».

وتابعت: «فعلا يا ريس حضرتك زي ما قولت في المؤتمر الاقتصادي احنا محتاجين إعلام يبني عقل جمعي لهدف واحد على مشروعات الدولة احنا يا ريس معاك ودائما واقفين معاك وفي ضهرك كفاية إنك حمتنا من الإرهاب وحافظت على حدود الدولة ولا حد قدر يستعمرنا ولا يدخل بلدنا مع إن كنا من ٢٠١١ لحد النهاردة.. كان ممكن البلد تضيع والإرهاب الي انتشر وانت منعته وحافظ على البلد وكان ممكن في أي وقت احنا حد يدخل بلدنا لكن بوجودك يا ريس مكملين ورينا في ضهرنا واللي يقدر على ربنا يجي يورينا».