رسائل الرئيس السيسي للقطاع الخاص في افتتاح مشروع الرمال السوداء

تحدث الرئيس عبدالفتاح السيسي، خلال افتتاح مشروع الرمال السوداء بمدينة البرلس بمحافظة كفر الشيخ، عن المكاسب التي ستحققها الدولة من وراء التوسع في مثل تلك المشاريع، وهو ما سيكون له مردود اقتصادي كبير.  

وترصد «الدستور» أبرز تصريحات الرئيس السيسي خلال فعاليات الافتتاح:

 - «عاوزين نوضح للناس في مصر الحكاية دي.. بدأت إمتى.. لفهم واكتشاف الموضوع.. يعنى عاوز أقول كان من 80 و90 سنة.. وأقول لما اتكلمنا في الموضوع ده من 5 سنين محدش كتير شجعنا كفكرة». 

- «مشروع الرمال السوداء، ننتظره من فترة طويلة، وأنا بقول الكلام ده للقطاع الخاص والشركات اللى اشتغلت معانا في هذا المجال زى حسن علام وغيره.. انت عرفت المسار.. ده مسار خد وقت طويل فيه.. المكونات والطرح والكلام اللى بيتعمل علشان وصول المعدات، ثم 60 % منتجات تتعمل فى مصر والباقى يجي من الخارج».

- «لما كنا بنعمل المشروع بتاع الرمال السوداء ده، سألت عن حجم الاحتياطات اللى موجودة هنا تكفى قد ايه وحجم الطلب.. هل فيه فرصة لمشروع و2 و3؟.. وقاول بسمع القطاع الخاص من أول المشروع ده متاح له الدخول فيه، اللي عاوز يتفضل، وده بقوله فى كل مشروع يتم افتتاحه.. حد يقولى مش قولت له من الأول.. الفرصة دى كانت موجودة على مدار 40 و50 سنة».

يعتبر مصنع الرمال السوداء الأحدث من نوعه على مستوى العالم باستخدام تكنولوجيا التعدين المتطورة، ويعتبر إضافة جديدة لسلسلة المشروعات القومية الكبرى التي تهدف إلى تعظيم الاستفادة والاستغلال الأمثل لموارد مصر الطبيعية، وتحقيق القيمة المضافة للمعادن المستخلصة من الرمال السوداء، التي تستخدم في العديد من الصناعات الدقيقة، ما يفتح الآفاق لاستثمارات جديدة تدعم الاقتصاد الوطني وعملية التنمية الشاملة.