والد عريس الإسماعيلية: «مكنش عاجبها العيشة وكانت بتسيبه بالـ43 يوم»
أنكر أبوعبدالله والد عريس الإسماعيلية، أن ابنه كان دائم الضرب لزوجته، قائلًا: "الظلم ظلمات، وأنا معايا بنتين، وأمهم، وأبوها شقيقي وأمها 65 سنة ومريضة، يوم ما يحصل ضرب أوديها بيت أبوها ولا تنضرب".
وأضاف والد العريس خلال مداخلة هاتفية مع الفنانة نشوى مصطفى في برنامج "بنت البلد"، المذاع على "صدى البلد": "أنا مجوز ابني عشان أسعده، عامل له مكان محدش حلم بيه، وكنت بحاجي عليها عشان تكمل سنة في بيته، عشان لو مشيت من عند ولدي تشوف ابن الحلال، لكنها رافضة ابني ورفضانا، ورافضة الدنيا كلها، مش لادة عليها الحياة، ولا عايزة العيشة، قلت لها أوديك بيت أبوها معززة مكرمة".
والد عريس الإسماعيلية: بتسيب ابني وأنا ابني شاب طوله مترين
واتهم زوجة ابنه أنها غير طبيعية، قائلًا: "دي مريضة، لو مطلعتش مريضة اتحبس مكان ابني، أنا عمها مش هضربها، لكن هم بيوسوسوا لها، بتسيب ابني بالـ 43 يوم، وأبوها ولا يسأل عليا، وأقول له تسمح مراة ابنك تبعد عنه 43 يوم، وهو شاب عنده 27 سنة، 2 متر و105 كيلو".
كما أنكر والد العريس، سحل ابنه لعروسته، يوم زفافها، قائلًا: "هي كبرت الموقف وقالت ضربوني".
ووجهت نشوى مصطفى، رسالة لوالد العريس، قائلة: "أنت راضي إن ابن حضرتك يمد إيده ويهين عروسته من يوم الفرح، مفهمتهوش يعني إيه راجل ميمدش إيده على حرمة أبدًا، ليه مربتهوش على النخوة، أنا صعيدية عمر ما شفنا أهالينا حد مد إيده على ست، وكان مفروض بعقلك لما تشوف الأمور كده، تاخدها من إيدها وتوديها بيت أهلها تقولها عيشك اتقطع، مش يضربها".
