تامر حسنى يحذر جمهوره: «محدش يروح يعمل مقابلات فى أى مكتب»

حذر النجم تامر حسني جمهوره بعدم الذهاب لأي مكاتب تصوير تستخدم وتستغل اسمه، وذلك بعد أن أعلن عن حاجته لأطفال لمشاركته عددًا من الأعمال الفنية خلال الفترة المقبلة.

وكتب تامر عبر صفحته الرسمية بموقع التواصل الاجتماعي “فيسبوك” قائلا: “مساء الهنا، بالنسبة للمواهب اللي طلبتها  محدش يروح يعمل أي مقابلات في أي مكتب باسمي، أنا طلبت ڤيديوهات فقط والڤيديوهات بتجيلي كل يوم، محدش يروح أي مشوار لأي مكتب تحت اسمي”.

وأضاف: “إللي هيتم اختيارهم للمقابلة هتكلمهم مخرجة الفيلم أستاذه سارة وفيق بشكل مباشر وأي مكتب عايز يرشح حد بيبعتلي ڤيديو بيعرض موهبته، يعني محدش يصدق أي حد يقوله تعالى عشان هتقابل تامر أو المخرجة”.

واختتم المنشور قائلا: “تاني.. الأستاذة سارة هتكلم إللي اختارتهم بنفسها عشان يحضروا المقابلة الأولى”.

كان النجم تامر حسني أعلن الأيام الماضية عن حاجته لأطفال لمشاركته في عدد من الأعمال الفنية خلال الفترة المقبلة، ونشر تامر حسني من خلال صفحته الرسمية بموقع التواصل الاجتماعى “فيسبوك” معلقاً: “لكل الجهات المعنية.. بدوّر على أطفال يمثلوا ويغنوا من سن 9 لـ13 سنة، ولاد وبنات موهوبين جداً (في أسرع وقت) ويا ريت لو طفل كده تامرحسني في نفسه يعني يغني ويمثل”.