«استغلوا الفرصة»|«التعليم» تنشر رسالة طلاب الدبلومات الفنية 2019 للدفعة الجديدة
نشر الموقع الرسمي للتعليم الفنى التابع لوزارة التربية والتعليم والتعليم الفنى تجارب طلاب التعليم الفنى خلال عام 2019، حيث قام الطلاب بتوجيه رسائل لخريجى الشهادة الإعدادية 2022 والذي من المقرر أن يقومون بالتقديم لمدارس التعليم الفنى خلال الايام الحالية.
«الدستور» يرصد في السطور التالية رسالة طلاب التعليم الفني دفعة 2019 لخريجي الشهادة الإعدادية الراغبين في الالتحاق بالدبلومات الفنية..
إسلام ممدوح خريج قسم ميكانيكا سيارات تعليم مزدوج عام 2019، يقول فى رسالته التى نشرتها وزارة التربية والتعليم على موقعها الرسمي:«حابب أقول للطلبة اللى عندهم نية يلتحقوا بالنظام، التعليم المزدوج هو اللى اداني الفرصة أشتغل بشركة كبيرة مثل مرسديس، والفرصة للتعلم و إني أواكب التطورات اللى بتحصل في السوق، كمان كان سبب في اني ابني شبكة علاقات قوية اثناء المدرسة وبعدها».
مريم أِشرف خريجة قسم ملابس تعليم مزدوج,2019
تقول فى رسالتها:«أنك تكوني بنت في مصر وعندك 18 سنة وفى نفس الوقت عندك الورشة والمشروع الخاص بيكى، كان شبه مستحيل ولكن التعليم المزدوج ساعدنى أحقق الحلم ده، رغم كل التحديات اللى قابلتنى واللى مكنتش سهلة لكن الدراسة ساعدتنى اتعلم حاجات كتير عن تفاصيل المهنة ـ اتعلمت عن الإدارة والسلامة والصحة المهنية والصيانة».
تضيف مريم «وده كان عامل مساعد ليا انى اوفر العمالة في بداية المشروع، حطيت كل اللى اتعلمته من التعليم المزدوج في مشروعي الصغير لحد ما كبر من ماكينة خياطة واحدة إلى ست ماكينات».
عبدالسلام محمد خريج قسم ميكانيكا تعليم مزدوج، 2019 يقول فى رسالته التى قامت بنشرها وزارة التربية والتعليم والتعليم الفنى:«أكثر شيء مميز في نظام التعليم المزدوج بالنسبة لي انك تتخرج وعندك خبرة ثلاث سنوات فى مجال تخصصك ودراستك؛ خبرة مرتبطة بالمجال وسوق العمل. كل حاجه بتتعلمها في المصنع هتلاقي اللي يدعمها من مواد نظرية بالمدرسة، واللى هتتعلمه داخل المصنع هتلاقيه في الحياة العملية بعد التخرج».
