والدة شيماء جمال تكشف لـ«الدستور» تفاصيل آخر يوم فى حياة ابنتها

روّت والدة الإعلامية شيماء جمال، التي قتلها زوجها في مزرعة بمدينة البدرشين في الجيزة، لـ«الدستور»، تفاصيل جديدة حول مقتل ابنتها.

وقالت: «في اليوم الذي اختفت فيه ابنتي كانت هناك سيارة من طراز (كيا سيراتو) في انتظار القاتل عندما استقلت شيماء السيارة مع زوجها»، مضيفة: «طلّع إيديه الشمال من شباك العربية في إشارة منه لمن خلفه بأن يتحرّك».

وتابعت: «قال لي (أنا ورّيت شيماء فيلا عشان أجيبهالها أصالحها بيها بس معجبتهاش، رُحت واخدها المزرعة تنقي العِجل اللي هتدبحه على العيد) لكن طلعت هي الأضحية والدبيحة».

https://fb.watch/d_Ai7Dzx_1/

وعن تفاصيل الجريمة، قالت: «يوم الاتنين الصبح القاتل جالي خدته وروحنا القسم عملنا البلاغ إحنا الاتنين سوا من تاني يوم تغيبها، وقفل تليفوناته يوم الأربع واختفى، ويوم مقتلها الصبح كان جاي عرقان ومترّب، شعره تحس إن فيه تراب».

وأضافت: «لو كان فيه مشاكل بينهم كان هتخرج معاه ولا هتسافر دبي، هو خانها، هو خاين، عمرها ما جه في دماغها أنه يعمل فيها كده، وكنت أتمني يجيبوه لايف وهم بيقبضوا عليه، وبشكر كل رجال الأمن على مجهودهم الجامد إنهم يجيبوه خلال أسبوع»، مطالبة بإعدام القاتل.