اتهام بالسرقة.. الشركة المنتجة لأغنية «حاجة مستخبية» تتوعد بمقاضاة «حسن شاكوش»

نفت شركة "اريبيان رايتس" المنتجة لأغنية المطرب محمد حماقي «حاجة مستخبية»، الأنباء المتداولة عن سرقة لحن الأغنية من لحن تركي، مُعلنًة اتخاذها الإجراءات القانونية ضد من قام بالتشهير بملحن الأغنية واتهامه بالسرقة.

وأصدرت الشركة بيانًا رسميًا لها، أكدت فيها إصرارها على اتخاذ إجراء قانوني بعد تصريحات المطرب حسن منصور الشهير بـ"حسن شاكوش" التي اتهم خلالها صناع أغنية حاجة مستخبية بسرقة اللحن من أغنية تركية.

في سياق متصل، أعلن الملحن مدين، حذف أغنية "بنت الجيران" لحسن شاكوش وعمر كمال، والتى كانت قد حققت ملايين المشاهدات خلال 3 سنوات، حيث يتشابه إلى حد كبير لحن أغنيتى "بنت الجيران"، و"حاجة مستخبية"، حيث غنى حماقى الأخيرة في عام 2014، وحققت أيضا نجاحا كبيرا.

ونشر مدين عبر حسابه صورة لحذف أغنية "بنت الجيران"، على "يوتيوب"، وعلق قائلًا، "الخطوة الأولى أغنية بنت الجيران اتقفلت ولسه.. شكرًا لشركة نجوم ريكوردز وشكرًا لشركة أي ميديا".

وأضاف مدين، "شاكوش تعمد الإساءة لى و لكل صناع الأغنية الشاعر محمد عاطف والموزع أحمد إبراهيم والفنان محمد حماقى مع العلم أنه اعتذر لي بالفيديو اللي عملوه هو وعمر كمال وتدخل الفنان محمد حماقى للصفح عنه هو اللي خلاني ما أكملش فى الإجراءات القانونية وقبلت ساعتها اعتذارهم والتمسنا عُذر الجهل بقانون الملكية الفكرية وحقوق المؤلف والمُلحن والناشر ... بس المرة دي بعد تعمد اتهامى بالباطل والتدليس أنا هاخد كل الإجراءت القانونية الرسمية ضده و مش هسيب حقي الأدبى والضرر الذى وقع عليا أمام كل من يجهل بالمعلومة والمساس بسُمعتى الفنية و تشويه صورتي كملحن أعماله تترجم للعالمية ومنهم تركيا للفنانة ايبرو ياشار وترجمة الأغنية بشكل رسمي وبالأوراق الرسمية".

كلمات اغنية حاجة مستخبية: 

في جوة قلبي حاجة مستخبية
كل لما بجي أقول لها فجأة مش بقدر
قدام عينيك بقف وبنسى إيه يتقال
ليه كل مرة يجرى فيها كده ليّ
وديّ هي كلمة واحدة بس مش أكثر
والكلمة ديّ عندي فيها راحة البال
في جوة قلبي حاجة مستخبية
كل لما بجي أقول لها فجأة مش بقدر
قدام عينيك بقف وبنسى إيه يتقال
ليه كل مرة يجرى فيها كده ليّ
وديّ هي كلمة واحدة بس مش أكثر
والكلمة ديّ عندي فيها راحة البال

حبيتك يوم ما اتلاقينا لما حكينا
أول كلام
حبيتك واحلف على ده تسمع زيادة
ده انا مش بنام
حبيتك يوم ما اتلاقينا (آه) لما حكينا
أول كلام
حبيتك واحلف على ده تسمع زيادة
ده انا مش بنام

الناس في عيني حاجة وانت حاجة ثانية
عندك مشاعري حتى خذها وإسألها
أنا صعب أعيش حياتي وانت لحظة بعيد
إحساسي بيك في وقت ضعفي قواني
كانت حياتي ناقصة جيت تكملها
فرحة لقايا بيك بتبقى زي العيد

حبيتك يوم ما اتلاقينا لما حكينا
أول كلام
حبيتك واحلف على ده تسمع زيادة
ده انا مش بنام
حبيتك يوم ما اتلاقينا لما حكينا
أول كلام
حبيتك واحلف على ده تسمع زيادة
ده انا مش بنام