بشرى تنعى سمير صبري: «عمرنا ما هنوفيك حقك»
نعت الفنانة بشرى الراحل سمير صبري الذي وافته المنية منذ قليل، عن عمر ناهز 85 عامًا.
ونشرت بشرى صورة برفقه الراحل وكتبت: «إنا لله وانا اليه راجعون.. مش قادرة أصدق. مش قادرة أصدق. اللهم لا اعتراض.. يا حبيبي يا سمير يا استأذى ويا صاحبى ..الله يرحمك ويحسن اليك ويسكنك فسيح جناته يا من عملت خير لو عشنا أعمار فوق أعمارنا والله ما نقدر نوفيك حقك ولا نردلك عشر اللي عملته مع خلق الله كلهم.. يا حبيبي يا غالى».
وتابعت: «آخر مرة مكنتش عايزني أمشي بس غصب عنى قلتلك لازم أسافر وعندى شغل ما ينفعش يتأجل.. سامحنى إني مش جنبك دلوقتي بس انت خلاص رايح للي أحن منى ومن الكل ورب العالمين استرد أمانته.. هتوحشني قوي قوي قوى.. الله يرحمك.. ربنا بيحبك وحسن الخاتمة في يوم جمعة وساعة مفترجة.. أرجوكم ما تفوتوش الصلاة عليه ده عمره ما ساب حد في ضيقة أو عمره ما فوت واجب.. لا إله الا الله.. لا إله الا الله».
