«لا أعترف بنظرية المؤامرة».. أبرز تصريحات محمد صلاح في «صاحبة السعادة»
تصدر اللاعب المصري والعالمي محمد صلاح، المحترف في فريق ليفربول الإنجليزي، تريند محرك البحث العالمي جوجل بعد ظهوره أمس في حلقة استثنائية من برنامج "صاحبة السعادة" مع الفنانة إسعاد يونس، على الفضائية المصرية الأولى.
ويرصد "الدستور" في التقرير التالي، أبرز تصريحات النجم العالمي محمد صلاح، في برنامج "صاحبة السعادة".
- لا أعترف بنظرية المؤامرة واتصدمت من مركزي في جائزة البالون.
- «لو مت دلوقتي هكون حققت كل أهدافي».
- في بداية احترافي كان هدفي أمنح الأمل للناس.
- اختيار جائزة أفضل لاعب غير واقعية 100%.
- الحياة كانت صعبة بالنسبة لي لأنني لا أتحدث اللغة الإنجليزية، وجلست مع نفسي وقلت هل أنا أرغب في العودة لمصر بعد شهر أو شهرين مثل أي شخص سافر ولم يحقق شيء أم يجب أن استمر وأنجح.
- أتشرف بكل مرة ارتدى فيها قميص مصر، واعتبر أن مباراة التأهل لكأس العالم هي الأهم في مسيرتي.
- بالنسبة لجائزة الحذاء الذهبي فضلت إن "ماجي" زوجتي تصعد لاستلام جائزة الحذاء الذهبي بدلًا مني لأنها لا تظهر معي كثيرًا، وكان مهمًا بالنسبة لها تسلم الجائزة.
- أحد أهدافي في الحياة أن أغيِّر قناعات معينة في عقول الناس.
- «"أم مكة" أيقونة رهيبة للستات المصريين وست قدوة وبيحبوها جدًا».
- زوجتي على طبيعتها وست مصرية ولا تظهر كثيرًا، و«مهما أقول مش هقدر أديها حقها علشان هي أكثر واحدة بتعاني معايا».
- «لما احترفت في أوروبا قولت عاوز أعمل إنجاز محدش عمله في تاريخ مصر».
- «قولت لـ"أم مكة" وشك وحش عليا لما اترفضت في الزمالك والمقاولين في مصر، وكنا بنتخانق كتير جدا بس برضو اتجوزنا».
- «أسعد لحظات حياتي لما بلعب باسم منتخب مصر».
- صعود المنتخب لمونديال 2018 أفضل شيء في مشواي.
- «في صغري لم أتخيل أن أرى صوري في كاريكاتير.. ومع الوقت أدركت حجم العمل للوصل لهذا التقدير».
- فخور بمساهمتي في مبادرة «أنت أقوى من المخدرات» لدعم ومساندة الشباب.
- «بعد الاعتزال هشتغل حاجة مرتبطة بالكورة أو هكون رجل أعمال».
- «مكة بتحب السفر لمصر للهروب من قوانيني مش كل حاجة متاحة ليها وفيه مواعيد للأكل واللعب».
- «ماجي ست بيت شاطرة وبحبها جدًا».
- «ماجي هادية وملهاش في السوشيال ميديا».
- تعاملي مع الناس كان قليل بعد سفري لأوروبا.
- «باكل فول وطعمية في مصر ومع المنتخب».
- «زمان كان نفسى أخلف ولد، لكن مابقاش فارق معايا حاجة دلوقتي بعد بناتي مكة وكيان».
- «مكة تطلع زي ما هي عايزة ماليش إني أتحكم في حياتها وأحكم عليها».
- «مكة قوية وعنيدة ولما بتحب تاخد حاجة مبتسكتش لغاية ما تاخدها، وده يوضح لي إنها لو عندها هدف في المستقبل هتحققه».
