اشتعال الأزمة بين تامر عبد المنعم وحمو بيكا: «شوف حد ينضّف قلبك»
اشتعلت الأجواء بين مؤدي المهرجانات حمو بيكا والفنان تامر عبدالمنعم، بعد ندوة الفنان هاني شاكر، نقيب المهن الموسيقية في قصر السينما الذي يرأسه الفنان تامر عبد المنعم.
ووجه تامر نقدًا شديدًا لحمو بيكا، عبر حسابه الشخصي بموقع التواصل الاجتماعي "فيسبوك" كنوع من الدعم للفنان هاني شاكر، في معركته ضد مؤدي المهرجانات الشعبية.
وكتب تامر في منشوره: "السؤال للدكتور حمو بيكا ولا ما حمّوهوش: وكان أيه علاقة الحاج نجيب ساويرس لما دافع عنكم ؟! ثم أنا ما هاجمتكش أساسا كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع وبالمناسبة قال حمو يذاكر كويس ويدخل الامتحان وربنا معاه يعني ما منعكش أما بالنسبة لوطنيتك اللي اقحمتها في الموضوع أحب أقولك أنا لم أشكك فيها وبالمناسبة وجودك أنت وفرقتك في احتفالات أكتوبر مش دليل عليها عشان تستند عليه شكرا نسيت اقولك شوف حد بيعرف يقرا عشان يقرلأ لك.
وعلق حمو عبر صفحته الرسمية على فيس بوك على منشور تامر عبد المنعم وكتب، “رداً علي كلام المدعو تامر عبد المنعم الحمد لله أنا مش مستني حد زيك يقولي أقرأ أو مقراش .. أنا معايا اخواتي هما عيني وضهري .. انا بقي اللي بقولك شوفلك حد ينضف قلبك من الغل والصفار والتنمر اللي فيه يمكن ربنا يكرمك وتلاقي اللي ييدك دور تمثله ولا حاجة .. وحسبي الله ونعم الوكيل في كل شخص معاه سلطة وبيتحكم في خلق الله احنا معانا ربنا مش سلطه وقرارت وحقي هاخده”.
كان حمو بيكا أدرج ضمن القائمة التي ضمت 20 اسما منعهم نقيب المهن الموسيقية بالغناء لاختراق قوانين النقابة أو عدم الحصول على تصاريح.
