بعد حديث رامي جمال.. كيف دعمت جميلة عوض مرضى «البهاق»؟
دعمت الفنانة جميلة عوض مرضي "البهاق"، عن طريق نشر صورة لها عبر حسابها الرسمي على موقع الصور والفيديوهات الشهير "انستجرام"، وكتبت عليها:"نفسي كل الناس تقتنع إن الاختلافات اللي بيننا بتخلينا أجمل وأصدق، وحقيقيين أكتر".
وأضافت "عوض":"نفسي لما نلاقي حد مختلف عننا نقدّره ونحتفي باختلافه اللي بيميّزه مش نرفضه ونتنمر عليه، ونفسي نكون قدرنا من خلال مسلسل إلا أنا لازم أعيش، نساهم في تصحيح المفاهيم الخاطئة عن البهاق، ونساهم في نشر الوعي عنه".
وكان رامي جمال بنشر فيديو له وهو يتحدث عن إصابته بمرض البهاق، قال فيه:"عشان الناس اللي بتسألني وبتقولي البهاق فين وخفيت إزاي.. أنا عايز أقول إني مخفتش وأهو البهاق في إيدي وجنب شفايفي وعيني وفي كل جسمي، أنا الاول لما كنت بشوف نقطه كنت براقبها وبزعل أوي، دلوقتي بحس إنها ميزة لأنها خلتني أشوف حب الناس ودعمهم ليا".
وتابع:"الحاجة اللي بصور الفيديو عشانها إني عايز اقول لكل أم ابنها عنده بهاق هو معندهوش مشكلة بس انتي لازم تربيه إنه ولد عنده ميزه ربنا ميزه بيها والميزة دي حاولي تقنعي كل اللي حواليه بيها".
وواصل:"أنا مغني والشكل جزء من شغلي بس بسببكوا بقيت شايف إنها ميزة، أنا لما كنت بصور بوستر البومي اللي هينزل المصور بتاعي بيقولي إيدك فيها حته باينه قولتله سيبها لأن ده مش عيب واللي شايف ده عيب ميهمناش إحنا يهمنا التلاته أربعة اللي حوالينا وبيحبونا".
وقال:"البنت اللي بتقول أنا عندي بهاق وداخله على خطوبة أو جواز وخايفة عريسي يسيبني، وأنا أهو بقولك متكمليش معاه لو مش قابلك لأنه مشاكل الدنيا أكبر بكتير من شوية ألوان في جسمك أنا بقولك متتجوزيهوش لأنك مميزة مفيش عندك مشكلة، وممكن أقولك إنه بياض قلبك بإن علي جسمك.. حبوا نعم ربنا، الألوان دي انتوا مميزين بيها و الله اللي عنده بهاق ده مميز، والله انا بقيت سعيد جدا و انتوا حررتوني و اسعدتوني بدعمكم".
