«عايز أبوسك».. اعترافات المتهم بالتحرش بمهندسة داخل أسانسير في النزهة

حصلت " الدستور" علي الأوراق الكاملة حول اتهام مراهق يبلغ من العمر 18 عاما، بهتك عرض مهندسة داخل مصعد عقار بمنطقة النزهة واتهمته المجني عليها بالتحرش الجنسي بها وملامسته أجزاء حساسة من جسدها، حملت القضية رقم  18918 لسنة 2050 جنايات النزهة المقيدة برقم 384 لسنة 2020 کلی شرق القاهرة.

قرار إحالة المتهم للجنايات

وجاء في قرار إحالة المتهم الصادر من النيابة العامة إلى محكمة الجنايات أن التحقيقات تتهم النيابة العامة "على ح" - 18 سنة - عامل نظافة - مقيم  - مركز ملوي - المنيا، وله محل إقامه آخر بمنطقة عين شمس، لأنه بدائرة قسم شرطة النزهة، محافظة القاهرة، هتك عرض المجني عليها "م. ن" بالقوة بأن باغتها بملامسة صدرها وموطن عفتها بأن فاجئها بذلك مستخدما القوة.

أقوال المتهم 

وقال المتهم في اعترافاته خلال تحقيقات النيابة العامة: "اللي حصل إني كنت داخل العمارة اللي ساكنه فيها الست اللي عملت المحضر وهي شكلها حلو وعجبني ولما شوفتها في الشارع مشيت ورآها ودخلت وراها العمارة وهي بتركب الأسانسير وبتقفل الباب رحت دست على الزرار والباب فتح وسألتها العمارة دي رقم کام قالتلى ماعرفش".

وتابع المتهم: "قلتلها عايز اطلع معاكي فقالتلى أبقى اطلع بعد ما أنا اطلع ولما هي كانت بتقفل الأسانسير رحت مسكت الباب وفتحته ودخلت وقلتلها عايز أبوسك فقالتلى أبعد عني وراحت زقت فيا عشان أخرج من الأسانسير رحت مسكتها من إيدها وصدرها وحطيت أيدي عليها من تحت وهي فضلت تزق فيا وراحت صرخت وجريت على السلم بتاع العمارة والناس جت على الصوت ومسكتني من على السلم وكان في حكومة معدية ركبوني معاهم الميكروباص ورحنا القسم وعملولي محضر وده اللي حصل".

وأضاف: "الكلام ده حصل الساعة 8 بليل في العمارة بتاعتها في النزهة أنا كنت بشتري قرص من الفرن وشوفتها في الشارع وهي عجبتني قمت أخدت القرص معايا ورحت دخلت وراها العمارة لحد ما وصلت لباب الأسانسير وحصل اللي حصل".

وتابع: "أنا وقفت قدام باب الأسانسير ودست على الزرار من برة علشان يقف وقمت فتحت الباب قربت عليها ومسكتها من إيدها وصدرها وحطيت إيدي عليها أنا كنت بمسكها غصب عنها بس اتفاجئت إنها رفضت وصرخت ولمت السكان".

أقوال المجني عليها

وجاء بأقوال المجني عليها 30سنة، وتعمل مهندسة كهرباء: “اللي حصل إني کنت مروحة البيت عندي ودخلت مدخل العمارة وركبت الأسانسير والباب قفل وعلمت على رقم 5 علشان اطلع الدور الخامس لاقيته فتح باب الأسانسير وقالي أنا عايز أطلع معاكي قلت له لا أطلع بعدی قام قفل باب الأسانسير نص قفله وسألني هي دي عمارة کام قلت له ماعرفش قام راح فاتح الباب وقالي عايز أبوسك وقرب منى جامد وكان عايز يبوسني”.

 وأضافت: "أنا زقيته بإيدي وقام مادد إيده الشمال وحطها على صدري وأنا بحاول أزقه وأبعده عنى وكان ضهره بيخبط في باب الأسانسير وماكنش الباب بيقفل علشان الأسانسير صغير ومد إیده بعد كده ومسك موضع عفتي وأنا شلت إیده وقاعدت أصرخ وأزق فيه وهو ساعتها طلع جرى على السلم وقابلوه الجيران كانوا نازلين على الصوت بتاعى ومسكوه وانا اتصلت على جوزی نزل من البيت وكان في ظابط معدى بعربيه ميكروباص وقمنا بالاستغاثة به ساعتها ومسك الولد ده ورحنا القسم وعملنا محضر وقلت على اللي حصل".

التحريات

وجاء بأقوال نقيب شرطة بقسم النزهة، أن تحرياته السرية توصلت لصحة الواقعة علي نحو ما شهدت به المجني عليها.