«لو كنت» لـ هيفاء وهبي وأكرم حسني تحقق 600 ألف مشاهدة
حققت أغنية “لو كنت” من غناء هيفاء وهبي وأكرم حسني انتشارا هائلا خلال الساعات الماضية، حيث وصلت مشاهدات الأغنية خلال 10 ساعات من إطلاقها عبر القناة الرسمية على موقع يوتيوب للنجمة هيفاء وهبي 600 ألف مشاهدة واحتلالها الأكثر رواجا عبر مواقع التواصل الاجتماعي وخاصة تويتر على مدار الساعات الماضية.
تفاصيل أغنية “لو كنت”
الدويتو الغنائي الجديد أطلقه أكرم حسني وهيفاء وهبي بعنوان "لو كنت" وهو العمل الأول الّذي يجمع بينهما، من كلمات وألحان أكرم حسني وتوزيع تومه وإنتاج أيديلوجي للإنتاج الفني والإعلامي وحققت الأغنية انتشارا هائلا في التعاون الأول بينهما خاصة أنها غريبة على ما قدمته هيفاء من قبل ويغني أكرم بصوته في الأغنية بشكل مختلف أيضا.
كلمات أغنية “لو كنت”
تقول كلمات الأغنية في جزئها الأول بصوت أكرم حسني: لو كنت أرنب كان أكيد هايبقي الفيل صديقي.. لو كنت مجلة كنت هاكون سمير مش هابقي ميكي.. لو كنت خاتم طبعا كنت هاتألمظ عليكي.. لو كنت جبل طارق أنا كنت سألتك عن مضيقي.. لو كنت مسابقة كنت هابقي مسابقة اختيار ملكات جمال وأشوف بنات جمال وهناك أنا هاشتكيكي.
وتكمل هيفاء: لو كنت كتاب أنا كنت هابقى كتاب عن الجمال لو في سؤال عن الدلع انا إجابة السؤال لو كنت سكة هاكون يمين انا عمري ما أكون شمال معادلة صعبة و حلها محتاج الف احتمال لو كنت لعبة كنت هابقي عروسة باربي لابسة بمبمي اما قلبي عمره ما يلعب بيه عيال
(أكرم ) لو كنت يوم وفات كنت أبقى يوم تلات مش عايز أكون كلام أنا عايز اكون سكات لو كنت هابقي حاجة مهمة من الحاجات انا هابقي سمايلي فيس مكشر في جروب امهات.
(هيفاء) لو كنت قطة حلوة كنت هابقي اكيد سيامي لو كنت حي اسكندراني كنت اختار ميامي لو كنت فلفل احمر كنت هابقي قرن حامي لو كنت بتفهم في الكلام يبقي هاتفهم كلامي لو كنت اله حادة كنت هابقي حابة احط حد لاي حد مش عاجبني وطظ في الأسامي.
