أحمد ماهر

4 دوري ورا بعض، لـ المرة التالتة في التاريخ، 26 دوري إجمالي، وأقرب منافس 8 ألقاب، موسمين متتاليين "كوم باك"، قهر وتفكيك "فريق الأحلام"، إيفري ثينج إز أندر كونترول.
بـ الروح دي، دخلنا موسم 19971998، كان الزمالك جاب رود كرول، اللي قرر يبني فريق جديد، بس مش أحلام ولا حاجة، فريق عادي، والواقع، إنه كرول من المديرين الفنيين المحيرين بـ النسبة لي،
يعني ما تعرفش، ساعات تحسه حاجة كبيرة، وساعات تحسه مالوش فيها، إنما فيه حاجات واضحة، زي إنه عينه حلوة في اختيار اللاعبين.
مشي الموسم هادئ، المنافسة شغالة، لكن مفيش أجواء ملتهبة ولا حاجة، كنا ساعتهاجيبنا لاعب من أجمل اللاعبين وأحبهم لـ قلبي، علي ماهر، وكان معدله التهديفي عالي، ومن اللحظات الأولى اندمج، وأعتقد إنه لولا سيدي بيه، كان هـ يبقى عندنا سفاح في التاريخ.
المهم، فجأة، وبـ دون سابق إنذار، راينر هولمان مشي، قال سلامو عليكم وما رجعش، لأ، حتى ما قالش سلام عليكم، الواقع، في الحالات اللي زي دي، أنا لا أحمل مشاعر سلبية لـ المدير الفني.
إحنا مش بـ نجيب عبيد، والواحد لو مش مرتاح في شغله، ما يمشي عادي، حتى لو فكرنا بـ "احترافية"، اللاعب غير المدير الفنيفي شروط التعاقد، سواء من ناحية اللاعب المدير الفني، أو من ناحية النادي.
إنت كـ نادي، ما تقدرش تمشي لاعب في نص موسم، إلا خلال فترة الانتقالات، طيب، كذلك اللاعب ما ينفعش يمشي، إلا في فترة الانتقالات. كماناللاعب مش "بـ يمشي"، إنما عقده بـ يتباع، إحنا بـ نقول مجازا "اللاعب بـ يتباع"، إنما مفيش بشري ينفع يتباع ويتشري، اللي بـ يتباع هو "عقد اللاعب".
إنما المدير الفني مش كدا، النادي، يقدر يمشي المدير الفني، في أي وقت من الموسم، طيب، يبقى المدير الفني كمان، يمشي في أي وقت من الموسم، كمان هو بـ يمشي، يعني علاقته انتهت بـ النادي، بـ غض البصر هو رايح فين.
الموضوع فيه حرية أكبر، خصوصاإنه هولمان وقتها، قال إنه خاف على نفسه بعد "مذبحة الأقصر"، اتقال طبعا ساعتها، إنه مش دا السبب، وإنه وإنه، بس مش مهم، فعلا كان ظرف قاهر، حتى لو اللي حركه مش الخوف، وإنما الغضب والكراهية لـ هذا المجتمع، حقه الصراحة.
المهم، أنا لا أفكر في المدير الفني نفسه، المهم، هـ نعمل إيه؟
ساعتها، الأهلي مسك الفرقة لـ أحمد ماهر، ماهر من ناس كتير كتير، عدوا في تاريخ النادي، دراويش، اللي هو بـ جد "أنا تحت أمر النادي"، لو راح الصبح، وقالوا إنت من النهاردا هـ تزرع النجيلة، هـ يزرع النجيلة.
كنا جيبناه من الطيران نص الستينات، ولعب في فترة الأهلي السيئة بتاعة الستينات، عشان كدا، ما عملش اسم كـ لاعب، فضلا عن إنه الفترة نفسها ما طولتش، والنشاط اتجمد.
لما جينا موسم 19731974، وقامت الحرب، قال أعتزل بقى، قالوا له: لأ، ما تعتزلش، النادي محتاج لك، فـ تراجع عن الاعتزال، أول ما رجعنا بعد أكتوبر، جه هيديكوتي، قال لهم مش عايزه، قالوا له خلاص، النادي مش محتاج لك، فـ اعتزل.
فضل بقى مساعد مدرب، في الجهاز، ناشئين، أي حاجة، وفجأة، لقى نفسه المدير الفني لـ الأهلي، ولو مؤقتا، والماتش الجي مع الزمالك، والجمهور خايف، فـ طلع هو بـ منتهى البساطة، عمل تصريح نصه:
زمالك مين يا عم؟خليها على الله!واتعادلنا صفر صفر، وعدت.
جيبنا تسوبيل، وفضل الموسم ماشي كدا، كل كام جولة الفرق يتسع، لـ حد ما دخلنا آخر 4 جولات، والفارق 8 بنط، ويبدو إنه الزمالك زهق، اللي هو لسه هـ نحسب، ولو مين كسب كسب ماتش، ولو مين اتعادل كام ماتش، سيبك.
اتعادلوا مع أسوان 22، فـ فجأة، بقى ماتش المنيا اللي إحنا داخلينه، ماتش تتويج، كسبنا يوميها بـ صعوبة 21، وحسمنا الدوري، بس هدف المنيا، سجله لاعب اسمه علاء إبراهيم، فـ قلنا نشتريه.