السيسى: سنتحمل تجاوزات الماضى.. «مش هندفع الناس تمنها»
ثمن الرئيس عبدالفتاح السيسي، مجهود اللواء هشام آمنة، محافظ البحيرة، بشأن القضاء على مخالفات البناء، قائلًا: "أنا بشكرك الأول وبقولك أنا معاك والدولة معاك، بس إحنا كمان مش عايزين نضر الناس، جهزلي أراضي يا دكتور مصطفى، رغم إنه تعد على أراضي الدولة، لكن إحنا مش هنضيعهم، نعمل 5 آلاف وحدة أو 6 آلاف وحدة، والقرار متاخد دلوقتي".
وأضاف الرئيس السيسي، تعقيبًا على كلمة الدكتور مصطفى مدبولي، رئيس مجلس الوزراء، بافتتاح عدد من المشروعات القومية بالإسكندرية: "عشان الناس تسمعني في البحيرة عشان نستكمل المحور من أول الإسكندرية حتى عمق الدلتا، وأتمنى خلال سنتين نكون قدرنا نعمله، خاصة إننا مش هنردم الترعة هناك، لكن هنهذبها ونعمل التبطين الخاص بها، ونعمل أيضًا مساكن لأهلنا اللي تعدوا".
وتابع: "إحنا بنحاسب أنفسنا على أمور حدثت في الدولة خلال السنوات الماضية وبنقول الدولة مخدتش بالها منه، والمحافظ مخدش باله منه، والتجاوز اللي تم إحنا اللي ندفع تمنه مش الناس اللي تدفع تمنه".
