فيفي عبده تكشف سر عدم إقامتها عزاء لشقيقتها.. فيديو

شاركت الفنانة فيفي عبده، متابعيها عبر صفحتها الشخصية بموقع "انستجرام"، بفيديو لها في أول ظهور لها بعد رحيل شقيقتها.

وقالت فيفي عبده، في الفيديو: "أسفة جدًا إني قافلة الموبايلات ومش برد على حد، لأنني كنت ملازمة أختي شهرين متواصلين في المستشفى، ونفسيتي تعبانة جدًا ومش عارفة أقول إيه لكل اللي حاولوا يوصلوا ليا ويعزوني ويسألوا علي بشكركم جدا من كل قلبي".

وأضافت: "بشكر زمايلي وجمهوري وكل اللي حاولوا يسألوا علي، وإن شاء الله يا رب أجيلكم في الفرح، وهي في مكانة أحسن من اللي إحنا فيها مليون مرة وربنا أخد وديعته لا لوم ولا اعتراض، مش عارفة أقولكم إيه بس إن شاء الله أشد حيلي وأطلع لكم لايف إن شاء الله".

وكشفت سر عدم إقامتها عزاء لشقيقتها: "مقدرتش أعمل عزاء لأختي لأنني لست في حالة تسمح لي بالوقوف لأخذ العزاء، وأهلي عملوا لها العزاء في بلدنا في نفس اليوم، وأنا كنت موجودة لحد الترب، لأني كانت نفسيتي تعبانة جدًا لإن شهرين متواصلين كان صعب جدًا أشوف أختي وهي بتودع الدنيا وربنا يشفي كل مريض ويصبر كل مبتلي، والحمد لله ربنا أخد وديعته".

وكانت شقيقة فيفي عبده، قد رحلت عن عالمنا يوم 22 نوفمبر بعد صراع مع مرض السرطان.