"مرموش" يكشف سر نجاح اللاعب المحترف فى التغلب على الوحدة
كشف عمر مرموش، لاعب المنتخب الوطني المحترف ضمن صفوف فريق أينتراخت فرانكفورت الألماني، عن الطريقة التي يجب على المحترف أن يتعامل بها في الخارج للتغلب على حالة الوحدة التي يعيش فيها لاعب كرة القدم المحترف خارج بلاده.
وأضاف "مرموش"، خلال حوار خاص ببرنامج "صاحبة السعادة"، المُذاع عبر قناة دي إم سي: "الحياة كلها اللي حوالين الكرة هيا اللي هتخلي الواحد ينجح إنه يتأقلم مع الناس؛ لأنك هتبقى عايش لوحدك وأهلك وصحابك هيبقوا سند ليك في كل الأوقات، بس في الأول والآخر أنت قاعد في البيت لوحدك وبعد التمرين هتروح تقعد في البيت لوحدك وبعد الماتش لو ملعبتش كويس هتقعد ما بينك وبين نفسك وتقول إيه اللي أنا عملته وهتوصل لنقطة هتفهم إنك لازم تعدي رغم أن الناس دي هتسندك في كل الأوقات بس أنت هتتغلب على كل الحاجات دي في الوحدة أثناء الاحتراف".
