سارة سمير: الأبطال مشوارهم صعب وبيحصل حاجات كتير فى حياتنا محدش شايفها

قالت البطلة سارة سمير، صاحبة فضية أوليمبياد باريس 2024 فى رفع الأثقال، إن كل الأبطال مشوارهم صعب وبيحصل حاجات كتير فى حياتنا محدش شايفها، الناس بتشوف التتويج فقط، إحنا ديما فى معسكرات ومبنخرجش مع أصحابنا غير الإصابات وغيره.

وأضافت خلال حوارها مع الإعلامية منى الشاذلى، أبطال مصر الأوليمبيين، في أوليمبياد باريس فى برنامج "معكم منى الشاذلي" المذاع على قناة "ON":"ديما بحط لنفسى هدف بعمل تاريخ ميتكسرش فى اللعبة، وبحط فى دماغى إنى أجيب ميدالية ولما أخسر الذهب بكون حزينة وببكى، وعيطت لما حصلت على الفضية لأن كان نفسى فى الذهبية، وعلشان تعبت فى مشوارى وكنت بحلم بالذهبية، لكن لما وقفت على منصة التتويج فرحت".

وواصلت: "بحب اللعبة ومنصات التتويج، وبعدى عن اللعبة كان صعب عليا، واللي شجعنى على اللعبة والدى، والكابتن محمود عدس الله يرحمه هو أول من دربنى".

وشهدت أويلمبياد باريس 2024 تحقيق مصر 3 ميداليات أوليمبية متنوعة، حيث حصل الجندى على ذهبية الخماسي الحديث وسارة سمير فضية رفع الأثقال ثم محمد السيد برونزية سيف المبارزة.