والدة السادس على الثانوية العامة: "بشجع ولادي على الحاجة المتميزين فيها"

قالت والدة الطالب مايكل رضا السادس على الثانوية العامة: "بحاول أشوف كل واحد من ولادى متميز فى إيه وأشجعه عليه بدون أى مقارنة مع أى حد، لأن المقارنة تؤثر على النفسية بشكل كبير ومش هستفاد منه بأى حاجة، ومش هيدى شيء طالما فى نقد".

وأضافت والدة الطالب مايكل رضا، اليوم الثلاثاء، خلال استضافتها ببرنامج "الستات ما يعرفوش يكدبوا" المذاع عبر قناة “CBC”: "لا أفضل موضوع الضرب فى عقاب ابنى ولا التهويش، ولكن ممكن آخد التليفون وامنعه من الخروج"، موضحة أنه من الخطأ جلوس الأطفال بشكل مفتوح على التليفون، لأن النتيجة بتكون كارثية صحيا وذهنيا ويؤثر على طريقة تفكيرهم، لأن فى الدول الغربية تمنع جلوس الأطفال على التليفون قبل سن الـ 14".

وأوضح مايكل: "أمى لما كانت تلاقينى بغلط بتقولى غلطت ليه؟ وإيه اللى عملته غلط علشان أتعلم منه، ومكررش نفس الغلط".