"تحت الوصاية".. رواد السوشيال ميديا يتفاعلون مع مشهد الصلح بين "حنان وياسين"
تفاعل رواد السوشيال ميديا مع مشهد الصلح بين منى زكى وابنها ياسين فى مسلسل تحت الوصاية الحلقة 10، حيث قامت منى زكى، التى تقوم بدور حنان، بمصالحة ابنها ياسين بعد أن عاقبته بتمزيق كرة القدم الخاصة به، وعقب ذلك قامت بمصالحته وشراء كرة قدم جديدة له ووجهت له رسالة مؤثرة خلال شراء الكرة قائلة له: «إنت راجل يا ياسين وأنا متأكدة إن كل حاجة هتكون كويسة.. وأنا عايزاك بعد كدة تنزل تلعب ومش عايزاك تاخد بالك من فرح تانى".
وجرى تداول منشور بين رواد السوشيال ميديا عن هذا المشهد، حيث قال أحد المتابعين: «إجابة حنان على سؤال صاحب محل الألعاب بتلخص نهاية مواجهتين من أقوى وأوقع وأصدق المواجهات اللي حصلت في تاريخ الدراما العربية.. حنان معتمدة على ابنها إنه راجل وشايل مسئوليات أكبر من سنه... في الوقت اللي فيه ياسين طفل ملوش ذنب في كل اللي بيحصل ومن حقه يعيش سنه وطفولته».
وأضاف: «مواجهة أولى بين الأم وابنها تنتهي بصدام واقعي صادم مرعب، ومواجهة تانية في نهاية الحلقة تنتهي بتقبل الأم والابن لكل اللي بيحصلهم... التقبل اللي بنشوفه في رفض ياسين إنه ياخد كورة ويكتفي بلعبة يلعب بيها في البيت عشان مينزلش الشارع تاني ويساعد أمه، وتقبل الأم لـ"طفولة" ابنها وإصرارها إنها تجيبله الكورة وتسيبه يعيش سنه».
واختتم: «تحت الوصاية كل يوم بيفاجئني بمستوى لا يقارن من النضوج في الكتابة والتمثيل والإخراج والتصوير.. لا هو حقيقي النضوج في كل شيء، ومن الألف إلى الياء.. نضوج خلاه المسلسل المفضل بالنسبة لي في رمضان 2023.. بلا منازع».
