اتحاد نساء مصر يشيد بمسلسل تحت الوصاية: أثبت أن الأم المصرية مكافحة وصبورة
نشرت الصفحة الرسمية لاتحاد نساء مصر تعليق عن مسلسل تحت الوصاية بطولة الفنانة منى زكي.
مسلسل تحت الوصاية
وتقول الصفحة: "من بداية إعلان المتحدة عن مسلسل تحت الوصاية ومنى زكي بتتهاجم بسبب "حواجبها الثقيلة" و"شكلها المتبهدل" كامرأة محجبة ومفيش حد فيهم اهتم باللي المسلسل بيحاول يوصله لنا كمجتمع مصري".
وأضاف: "من وجهة نظرنا المسلسل دة من أهم وأجمل المسلسلات اللي اتعلمت ويبين قد إيه قانون الوصاية على الأولاد محتاج يتغير وإن الأم متقدرش تعمل قانونياً أبسط الحاجات لأولادها هي كمان وحتى في غياب أو وفاة الأب تحتاج للعم أو جد أطفالها، كأنهم هيخافوا عليهم أكثر من أمهم".
أحداث مسلسل تحت الوصاية
وأضاف البيان: "الحقيقة أن الجد ممكن يكون حنين وبيحب أحفاده عادي لكن صحياً مش احسن شخص لحل الأمور دي أما العم لو كان كويس فا بيبقى مشغول بأسرته و حياته الشخصية، فا ليه الام تتحط في صعوبات زي دي أما الأمر بيتعلق بأطفالها؟!".
واختتم: “المسلسل بيبين كمان قد إيه الأم المصرية قوية وبتعمل المستحيل عشان أطفالها ورغم إنها بتشقى مبتشتكيش وبترجع البيت تهتم بأطفالها كأنها متعبتش ورغم أن حالتها المادية في عدم وجود الأب صعبة إلا أنها بتحاول توفر أطفالها، أبسط الأشياء عشان يعيشوا حياة طبيعية زي اللعب، المسلسل كمان بيوضح لنا قد إيه المرأة المصرية بتعاني عشان تحصل على وظيفة وبالأخص الأم المصرية، تحية للأمهات المصرية بالأخص وكل التقدير والاحترام لهن وتحية للفنانة العظيمة منى زكي وكل اللي اشتغلوا على المسلسل عشان قدرت توصل الرسالة المهمة دي وشعور الأم ومعناتها وقوتها وصبرها”.
