في عيد الأم.. حنان حشيش تؤسس جمعية للمكفوفين لصناعة البامبو
لم يحالفها القدر بتحقيق حلمها الذي لطالما حلمت به منذ أن تزوجت، فقد حرمت من نعمة الإنجاب، إلا أنها قرر أن يكون لها عدد كبير من الأولاد وليس طفل أو اثنين فقط، لذلك أسست حنان حشيش جمعية دنيتنا للمكفوفين بعروس البحر المتوسط، لتكون هي أمًا لكل من فيها.
تروي حنان حشيش قصتها لـ"الدستور" قائلًة:"أنا من أبناء محافظة القاهرة، إلا أنني عندما تزوجت انتقلت للعيش في محافظة الإسكندرية، وتركت عملي أيضًا لذا كان عندي وقت فراغ كبير وربنا لم يرزقني بأولاد، ووقتها فكرت اعمل حاجه بحبها بعيدًا عن روتين الشغل وهي خدمة الناس وخاصة من يحتاجني".
وأضافت: "الصدفة قادتني لعالم المكفوفين انبهرت بالتعامل معاهم للأسف احنا فاهمينهم غلط لأن أغلبنا ما يعرفش إن ربنا عوضهم عن فقدهم للبصر بطاقات كتيره جواهم لما بتجد طريقها بتبان قدراتهم الحقيقية، عشان كده عملت جمعية وسمتها "دنيتنا للمكفوفين".
وعن هدفها من تلك الجمعية التي حملت اسم "دنيتنا للمكفوفين"، قالت: "كان هدفي من أول يوم إني أخرج الابداع اللي جواهم وتعلميهم صنعه يقدروا يواجهوا بيها الحياة لأن فرص عملهم مش كبيرة زي ما إحنا عارفين، وعرفوا بالفعل طرق صناعه الكليم والمكرميات، وصناعة البامبو".
أضافت:"أنشأت ورشه لصناعة البامبو ووفرت لهم المواد اللازمة والمدربين، وانطلق الابداع، تشهد علي إبداعهم المعارض اللي تفوقوا فيها، والناس دلوقتي بيطلبوا منتجاتهم بالاسم"، وللترويج لمنتجاتهم بشكل أكبر أنشأت صفحة عبر موقع التواصل "فيسبوك" للبيع من خلالها منتجاتهم التي أصبحت تُشحن لكل المحافظات.
واختتمت قولها:"النهاردة استطاعوا أن يسجلوا اسمًا في عالم البامبو ولديهم منتج مميز، وأنا أجد سعادتي وسطهم وانا أراهم ينطلقون، وهن بناتي وبيقولولي ياماما، واحتلفوا بيا النهارده في عيد الأم".
