محمد الباز يدعو الأسر لزيارة معرض الكتاب

دعا الدكتور محمد الباز، رئيس مجلسي إدارة وتحرير جريدة "الدستور"، الأسر المصرية لزيارة معرض الكتاب، قائلا: "دعوة لكل واحد ياخد أولاده ويروحوا المعرض عشان أولادكم يبقى عندهم ذكريات مع معرض الكتاب".

وأضاف خلال برنامجه "آخر النهار" المُذاع على قناة "النهار"، أنه في ظل الاتهامات الموجهة لمصر بتراجع الكتاب فيها والإصدارات، نجد بمجرد زيارة معرض الكتاب أن هذا الكلام غير حقيقي تماما.

وتابع محمد الباز: "بالمتابعة الدقيقة على الأرض تقول في حاجات كتير بتحصل كويسة في البلد، لكن الزحمة والشوشرة وعدم الثقة تشغلنا عن إصدارات مهمة ومؤلفين مهمين".

وأردف: "مصر لاتزال فيها أهم كتاب وشعراء وملحنين ومثقفين وقوة ناعمة بالمعنى الحقيقي، ومحتاجين منرميش التراب على كل هذا، وبالعكس لو لقينا تراب على حاجة في بلدنا نحاول ونشيله ونظهر أحسن ما عندنا".

واستعرض محمد الباز، صورة لآلاف المصريين من معرض الكتاب وهم يؤدون صلاة الجمعة، قائلا: "النهاردة الجمعة ناس كتير بتقول عاوزين نروح للمعرض بعد الصلاة، لكن النهاردة  أمام قاعة 4 نجد آلاف المصريين يصلون في معرض الكتاب".

وواصل: "طول الوقت بنقول مصر قادرة على إبهار العالم، وبطبيعتنا وفطرتنا مش محتاجين مجهود عشان نبهر حد".