مبادرة «ابدأ» بالصعيد.. ردود أفعال أصحاب المصانع بعد حديثهم مع الرئيس السيسى

دعّم الرئيس عبدالفتاح السيسي أصحاب المصانع التابعة لمبادرة "ابدأ"، مشيرًا إلى أن فكرة المجمعات الصناعية من الممكن أن تنفذ في كل محافظات مصر، وأهم ما فيها أنه يتم تنفيذها خارج نطاق الأرض الزراعية وتوفر فرص عمل.

وخلال محادثات أجراها الرئيس السيسي مع أصحاب المصانع ضمن مبادرة "ابدأ"، تضمنت رسائل أبوية من الرئيس السيسي لأصحاب المصانع ونصائح وتوجيهات بتيسير الأمور وتوفيق أوضاع كل من يرغب في المشاركة ولديه فكرة.

ومازح الرئيس عبدالفتاح السيسي، صاحب مشروع مصنع بلاستيك، يدعى محمد عبداللطيف في محافظة سوهاج، حول مكسب المصنع، قائلًا: "متخفش قول بتكسب كام ووزير المالية الدكتور محمد معيط مش هيقرب ناحيتك".

وتحدث الرئيس السيسي مع صاحب المصنع، وهو من نتاج مبادرة "ابدأ"، حول أجور العاملين في المصنع، وأجاب محمد عبداللطيف: "أقل أجر 2000 جنيه وأعلى أجر 4000 جنيه".

وقال محمد عبداللطيف إن المصنع يعمل فيه 20 شخصًا، وهناك حوافز إضافية على المرتب للجميع حسب عمل كل واحد وإنتاجه.

كما مازح الرئيس عبدالفتاح السيسي، المواطن أحمد عنتر، صاحب مصنع الأعلاف بالمنطقة الصناعية غرب جرجا لإنتاج الأعلاف، بعد إجراء حوار قصير معه.

وسأل الرئيس السيسي، خلال لقاء عبر «الفيديو كونفرانس» أمس الخميس، بافتتاح عدد من المشروعات التنموية بمحافظة سوهاج، أحمد عنتر، عن مرتبات العاملين، والتي تراوحت بين 3500 و7000 جنيه، خلال 8 ساعات، لإنتاج 40 طن أعلاف يوميا.

ووجّه الرئيس السيسي تساؤلا حول أسعار الأعلاف، ممازحا أحمد عنتر: "أومال غليتوا العلف ليه بقى لما مرتباتكم حلوة كده".

وتابع الرئيس ممازحته للمسئول عن مصنع الأعلاف: "أنا شايف عصافير كتير جوه في المصنع، أنا خايف على الأعلاف من العصافير".

وتحدث الرئيس السيسي مع أحمد العريان، صاحب مصنع "فوندي" للكوتشي، وهو من نتاج مبادرة "ابدأ"، حول أجور العاملين في المصنع، وأجاب العريان بأن المرتب يصل إلى حد 10 آلاف جنيه، وفقًا للترتيب الوظيفي والمهارة في العمل.

وقال الرئيس السيسي، خلال كلمته أمس بافتتاح عدد من المشروعات القومية في محافظة سوهاج، لاستكمال مراحل التنمية في صعيد مصر: "أنا لما بكلم حد عن أعداد الناس اللي بتشتغل عندهم ومرتباتهم ببقى عايز ألفت نظر الناس أنا قد إيه لو إحنا قدرنا نتوسع ونيسر للناس ونخليهم يبدأوا ويشتغلوا كدا، إحنا هنساهم مساهمة كبيرة جدًا، أولًا، لأن بيطلع منتج الناس بتستفيد منه لأن الكلام اللي معمول ده أكيد أهالي سوهاج والصعيد هتستفيد من المنتج ده لأولادهم اللي في المدارس وبسعر معقول".

وأضاف: "غير لو إحنا استوردنا من بره أو جايبينها من القاهرة.. لأن دا بينتج لصالح المنطقة اللي بيوزع فيها، لكن الكلام اللي بيتقال النهارده إن كل ما العامل بيشتغل ويبقى ماهر كل ما ياخد أكتر.. عشان كدا أنا بسأل عن المرتبات وكمان عشان أطمن إن الرقم دا معقول".

وعن المرتبات الشهرية، قال الرئيس السيسي: "أقدر أسألك عن أرباحك الشهرية كام؟"، ليرد العريان بالقول: "لو بعت بـ100 ألف جنيه نكسب 20 إلى 35 ألف جنيه"، ليداعبه الرئيس مجددًا: "هبعتلك الدكتور معيط على طول".

وهنّأ الرئيس السيسي صاحب المصنع: "ألف مبروك وربنا يوفقك في مصنعك، ولما بسأل على الناس اللي بتشتغل في المصنع، هدفنا المساهمة الكبيرة جدًا في الصناعة، وكل ما تشتغل أكتر هتبقى ماهر أكتر وبالتالي تاخد مرتبات أكتر، وكل اللي هطلبه منك ومحتاج كدولة نساهم معاك فيه هو موضوع البحوث وجودة الإنتاج، ونقدر نساعد المصانع في التدريب ولو محتاجين خبرات علشان نحقق المواصفات العالمية في المنتجات".

ونصح الرئيس السيسي صاحب المصنع: "ربنا يوفقكم إنت واللي بيشتغلوا وتحققوا أكتر من كده، وخلي بالك من صحة الناس اللي عندك، ويجب تلافي الآثار الصحية بممارسة الرياضة، يعني الوزن الزيادة ما ينفعش يا أحمد".