الأوضاع الاقتصادية والزراعية.. أبرز رسائل السيسى فى المؤتمر الاقتصادى

شارك الرئيس عبدالفتاح السيسي، اليوم، في الجلسة الختامية بـ(المؤتمر الاقتصادي - مصر 2022)، الذي نظمته الحكومة على مدار 3 أيام في العاصمة الإدارية الجديدة.

ووصل الرئيس إلى مقر انعقاد الجلسة الختامية للمؤتمر التي يشارك فيها رئيس مجلس النواب حنفي جبالي، ورئيس مجلس الوزراء الدكتور مصطفى مدبولي، وعدد من الوزراء وكبار رجال الدولة ونخبة واسعة من كبار الاقتصاديين والمفكرين والخبراء.

ويستهدف المؤتمر التوافق على خارطة الطريق الاقتصادية للدولة خلال الفترة المُقبلة، واقتراح سياسات وتدابير واضحة تسهم في زيادة تنافسية ومرونة الاقتصاد المصري.. ومن المقرر الإعلان عن عدد من الحوافز لقطاع الصناعة والمصدرين لتحقيق المستهدفات القومية.

ويرصد «الدستور» أبرز رسائل الرئيس عبدالفتاح السيسي، خلال كلمته في الجلسة الختامية للمؤتمر الاقتصادي- مصر 2022 بالعاصمة الإدارية.

الأوضاع الاقتصادية والزراعة.. أبرز رسائل السيسي في المؤتمر الاقتصادي

1 - تحدث الرئيس عبدالفتاح السيسي عن الأوضاع الاقتصادية للدولة المصرية، قائلًا: «والله والله والله فرصة، كل شركات القوات المسلحة معاكم، كل شركات الدولة اللي موجودة معاكم، بس مش تقولي نخفض العمالة الزيادة اللي موجودة واديني الشركات، أنت لما بتعمل شركة خاصة بتختار الناس بدقة وتحوكم، لكن إحنا معانا ميراث، دي مجتمعات وأسر، إوعي تخلي غضبك من سوء الأداء يتحول لعداوة مع اللى بيقوموا بسوء الأداء، إوعى تكره الفقير إوعي تكره الفقير، إكره الفقر ومش تكره الفقير».

2 - تطرق الرئيس عبدالفتاح السيسي لأزمة الكهرباء خلال السنوات الماضية، قائلًا: «الناس في أوروبا بتغلي الكهرباء وفقًا لتسعيرها، أنا عندي 17 مليون مشترك بديهم الكهرباء أقل من نص تمنها حتى الآن.. لو أقدر أساعدك هساعد الكل، بحاول أخلى اللي إحنا بنعمله مفيد للمستثمرين، أنا معاكم ومتوافق وداعم ومش كلام دبلوماسي، مستعد لحوار شفاف وعميق مع أي حد في أي تخصص».

3 - أضاف الرئيس السيسي خلال الجلسة الختامية للمؤتمر الاقتصادي مصر 2022: «25 مليون دول كام للواحد في السنة، في الدول المحترمة والقادرة بتدفع 10 آلاف دولار للطالب في السنة يعني عاوزين 250 مليار دولار علشان أعمل التعليم ده في التعليم الأساسي والجامعي حاجة تانية، أنا حولتهم لجنيه قلت نديهم 250 مليار جنيه طيب هل الموازنة تقدر تعمل كده؟».

4 - تابع الرئيس السيسي: «60 ألف فصل بيتكلف 60 مليار جنيه من غير تشغيل، فيه مدرسين وأطقم لخدمة المدرسة وكهرباء وميه بنتكلم في 60 ألف مدرسة، طيب لو عاوزين مليون جنيه لرفع كفاءة كل مدرسة يبقا عاوز 60 مليار، طيب لو مش موجودة حد يقولك المدرسة دي يا عم انت بتتكلم في إيه؟.. إنتوا مش عارفين يعني إيه دولة وبتهدوا بلادكم، الناس الغلابة لما حد ييجي يتجوز من ولادهم يوضبوا بيتهم علشان الناس تشوفوا كويس، يا ترى إحنا بنعمل كده؟ طيب الفقير غلبان طيب، الغني ما انت مبسوط ومستور.. بنحط تراب من غير ما نقصد ليه؟ دي ملامة ليكم؟ لا.. أنا بكلم كل المصريين».

5 - تحدث الرئيس عبدالفتاح السيسي عن أساسيات الزراعة المصرية، قائلًا: «البنية الأساسية لتجهيز الأراضي للزراعة من أيام محمد على ومن عام 1805 وإحنا طالعين، مكنش عنده مشكلة لأن المياه بتيجي من فوق ونازلة لتحت، والحل بس يعمل قناطر وجسور، حسن الزراعة وبقى عندنا حوالي من 4-5 ملايين فدان، والدولة استوعبت المبلغ الخاص لتنفيذ هذا الأمر».