دينا الشربيني: «مش هيبقى في فريق عمل تاني.. هيبقى في عمل بس»
حلّت الفنانة دينا الشربيني ضيفًة على برنامج "معكم منى الشاذلي" المُذاع على قناة “cbc”، تحدثت خلالها عن أهم تفاصيل حياتها الخاصة ومسيرتها الفنية.
وقالت دينا الشربيني إن علاقتها بـ"السوشيال ميديا" غير جيدة، باستثناء تطبيق “تيك توك”: "علاقتي بالسوشيال ميديا نيلة.. بحس إني مش شاطرة فيها وممكن اعك الدنيا وكمان الناس فيها متدخلين في حياة بعض أوي .. لكن بحب التيك توك".
وأجابت عن سؤال حول استفادتها من تجاربها السابقة، قائلًة إنها تعلمت ألا تحكم على حياة الأشخاص من الخارج، وأكدت: "تعلمت إن ممكن ابقي شايفة حد من برا إن حياته بشكل ما لكنها في الحقيقة بشكل تاني.. يعني ممكن تبقي شايفة حاجة من برا بس عمرك ما هتبقي عارفه ايه اللي جوا .. لذلك لا تحكم ولا تتكلم في الموضوع أصلا لان عمرك ما هتعرف ايه اللي بيحصل".
وأضافت: "تعلمت إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلم منها حاجة".
وقاطعتها منى الشاذلي متسائلًة: "يعني اتعلمتي إن مينزلكيش صورة مكتوب عليها فريق العمل؟" لتجيب : "ده أكيد.. والله ما هتشوفوني فريق عمل في حياتي.. هيبقي في عمل بس".
تابعت: "فضلت فترة بيتقال (فريق العمل راح وجه)، بس أنا مش من النوع اللي بيدور كتير على السوشيال ميديا فمكنتش بقرأ كل الكلام ده، وكمان عمري ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس".
