15 نصيحة للتعامل مع عداد الكهرباء الكارت مسبوق الدفع

يتساءل كثير من المشتركين في شركات الكهرباء عن كيفية التعامل مع عدادات الكارت مسبوقة الدفع وكيفية شحنها وهل يمكن التلاعب فيها أم لا؟

“الدستور” تقدم بعض النصائح والمعلومات للتعامل مع العداد مسبق الدفع والتي نشرتها الصفحة الرسمية لشركة جنوب القاهرة لتوزيع الكهرباء. 

١ - عدم التلاعب نهائيا فى غطاء العداد حتى لا يفصل العداد

٢ - التأكد من وجود رصيد كافى حتى لا تنقطع الكهرباء فجأة ورصيد العداد فى صفحة رقم 2 .

٣ - يعطى العداد إنذار فى حالة وصول الرصيد 10 جنيه  وتعطي لمبة الرصيد لون احمر وهى أقصى لمبة على اليمين وانذار أخر لو الكهرباء قطعت يتم وضع الكارت فى العداد بدون شحن يعمل إلى أن  يتم الشحن .

٤ - يفضل الشحن أول أسبوع من الشهر عند شريحة واحد والشريحة تظهر فى صفحة رقم ٧ فى العداد .

٥ - آخر أسبوع فى الشهر يفضل توفيرالطاقة على قدرالمستطاع لأنك بتكون على أعلى شريحة  في العداد.

٦ - الانتقال من شريحة إلى شريحة يتم خصم مبلغ من الرصيد (فرق حساب)على حسب الشريحة إللى هتوصلها.

٧ -  عند عدم تشغيل العداد نهائيا  يتم خصم 9 جنيهات من الرصيد.

٨ - تأكد من ضبط الوقت والتاريخ عند شحن الكارت .

٩ - العداد الكارت زى العداد العادى طريقة الحساب التجارى واحد .

١٠ - لتفعيل الكارت في المرة الأولي يجب الشحن من شركة الكهرباء علشان يتفعل .

١١ - في حالة ضياع  الكارت ضاع وعليه شحنة لم تفرغ بالعداد سيتم استعادتها لان  عملية شحن بتسجل في ذاكرة العداد برقمها وقيمتها ولو ضاع الكارت وعليه شحنه لم تفرغ بالعداد بيتم استخراج كارت وعند برمجته بتسجل كل بياناتك وكذلك عمليات الشحن بأرقامها وقيمتها وعند تركيب الكارت بالعداد لو ذاكرة العداد وجدت عمليه لم تفرغ بالعداد يتم استقبالها بالعداد وتنفذ فورا.

١٢ - هناك حل لو فصل العداد إنذار والكارت غير موجود بجانب العداد لو حضرتك في الشغل والكارت معاك وفصل العداد إنذار ممكن اللي في البيت يقوم بإدخال بطاقة رقم قومي أو فيزا بنك في العداد فيعود التيار الكهربائي فورا حتى عودتك بالكارت.

١٣ - لو فتحت غطاء العداد سوف تدفع غرامة فتح الغطاء طبقا للرسوم المقررة بالشركة.

١٤ - لا يمكن تبديل مكانه أو تغيير الأسلاك المرتبطة به دون الرجوع لشركة الكهرباء

١٥ - في حالة زيادة الأحمال عن المسموح به والمقدر بـ 80 أمبير يفصل التيار الكهربائي تلقائيًا، ولو تكرر لثلاث مرات يفصل التيار الكهربائي بالكامل، ولا بد من العودة لشركة الكهرباء لتشغيله مجددا .