«مش عاوز أسمع كلمة حرية الفن».. تصريحات قادت أحمد فلوكس لتصدر التريند
عاد الفنان أحمد فلوكس لتصدر التريند من جديد عقب إطلاقه عدد من التصريحات عبر صفحته الشخصية على "فيس بوك"، والتى يهاجم من خلالها كل من الفنانة إلهام شاهين والمخرج هادى الباجورى.
فى هذا السياق تستعرض “الدستور” في تقريرها أبرز التصريحات التى قادت الفنان أحد فلوكس لتصدر التريند.
قال فلوكس فى منشور له للفنانة إلهام شاهين: «بعيدًا عن معزتك ممكن أستأذنك ماتتكلميش تاني في الكلام ده، البوسة بتعتبر حاليا منافيه للآداب، أومال إمتى يا فندم نعتبر الشئ منافي للآداب، لما نلاقي العيل نازل وبشهاداته كمان هنا يبقي سفالة.. الشاشة دي بتربي أجيال وبتشكل وجدان، مش بتربي وحوش وبتعمل أوضاع».
وأضاف فلوكس: «على كده إحنا نعتبر الأفلام السكس أفلام تثقيفية تعليمية إرشادية الغرض منها التعليم والتمرين، سامحيني أنا بحبك بس مابقتش قادر أستحمل، يا جماعة الشيطان نفسه مش مصدق اللي إحنا كبشر بنعمله وبيستغفر ربنا، الأفلام بقت مرجعية والنوافل بقت مهرجانات والزكاه بقت نقطة والحج بقي تشكيل.. آسف جدا. ومش عاوز أسمع كلمة حريه الفن».
وهاجم أيضًا المخرج هادى الباجورى والذي قد أطلق تصريحات خلال الساعات الماضية عن زوجته ياسمين الرئيس، حيث قال فلوكس: «ناس مين اللي بتسيب بناتها و زوجاتها تلبس مايوه عريان مش فاهم ... اتكلم عن نفسك يا ريس و عن نوعك ...انت معندكش مشاكل ان مراتك تتباس ده موضوعك مش موضعنا».
وأضاف: «يعنى واحد بيشم يبقى كل الناس شمامة.. واحد فاشل يبقى كل الناس فاشلين.. امتي المهنه دي تتعدل و تنضف بقي . خلوها تنضف و بعدين بنزعل لما بيتقال علي الفنانين دول كذا و كذا و كذا».
