أحمد عبد الفتاح: «سكر مر» صرخة ضد التنمر على الأطفال المصابين بالسكر
لاقت حكاية "سكر مر" إشادات من مستخدمي التواصل الاجتماعي، حظيت بتفاعل كبير من الجمهور، تصدرت طوال فترة عرضها محركات البحث الإلكتروني.
وقال مؤلف الحكاية أحمد عبد الفتاح، إنها تناقش مشاكل البيت المصري، متابعًا: "كانت فكرة الأستاذ يسري الفخراني، ورغبته في وجودها على الشاشة المصرية وتعرض لأول مرة".
وأضاف في تصريحات خاصة لـ"الدستور": "أزمة الناس هى عدم طرح مشاكلهم خاصًة، أنا مش قصدي أحل المشكلة لكن أطرحها عشان الناس تفهم كويس هي بتعمل إيه، والمشاكل اللي بيخبوها ومش بيعترفوا بيها وراها إيه، وبتوصل لإيه".
وأكد أن الهدف من وراء الحكاية هو محاربة التنمر ضد الأطفال من مرضى السكر، خاصًة في المدارس، وهو الأمر الذي أصبح متواجد طوّال الوقت في كل مكان، متابعًا: " كان قصدي أوضح إن التنمر صعب كنت والناس ياريت تاخد بالها".
وعن ردود الأفعال، قال: "كنت مبسوط جدًا بإن الناس قدرت تتقبل الحكاية، وتفهم منها الدنيا ماشية إزاي، خاصًة الأطفال من مصابي السكر، وإنهم مش هيقدروا يعملوا أي موقف يضايقهم، ولا يتنمروا تاني عليهم".
حكاية سكر مر
تناولت الحكاية كيفية التعامل مع الظروف ومعاناة الأمهات اللاتي يعاني أبنائهن من مرض ما، ومواجهة الضغط النفسي عليهن وكيفية تخطيهن للمواقف الصعبة، حدوتة "سكر مر" هي العاشرة والأخيرة من الموسم الثانى لمسلسل "ورا كل باب"، ويشارك في بطولتها فريال يوسف، ومراد مكرم ، وإيهاب فهمي، ورانيا ملاح، أحمد حلاوة، الطفل آدهم وهدان وتأليف أحمد عبد الفتاح وإخراج محمد عبد السلام.
