وفاة الإعلامية أسماء مصطفى بعد صراع مع مرض السرطان
رحلت عن عالمنا قبل قليل الإعلامية أسماء مصطفى بعد رحلة مريرة مع مرض السرطان خلال الفترة الماضية.
وأعلن النائب أيمن أبوالعلا، عضو مجلس النواب، وفاة زوجته الإعلامية أسماء مصطفى بعد صراع طويل مع مرض السرطان.
وقال النائب أيمن أبوالعلا، عضو مجلس النواب، في منشور له على صفحته على موقع التواصل الاجتماعي فيسبوك: انكسر ظهري وفطر قلبي ولن أقول إلا ما يرضي الله.. إنا لله وإنا إليه راجعون.
وتحدد أسرتها خلال الساعات القليلة القادمة موعد الجنازة والعزاء وكل التفاصيل بعد رحيل الإعلامية الشابة في صدمة لكل المقربين منها.
وكانت المذيعة أسماء مصطفي قالت قبل فترة في منشور جديد عبر صفحتها على موقع التواصل الاجتماعي "فيسبوك" حول صراعها مع السرطان: "الحمد لله رب العالمين كما ينبغى لجلال وجهك وعظيم سلطانك.. اتاخرت عليكم بس عارفه انكم تعذروني".
وأضافت: "عايزة أقولكم إنى فعلا زى ما بنقول ربنا كتبلي عمر جديد وقدر ولطف تفاصيل صعبة لكن أكيد الدعوات الصادقة لوجه الله هى اللى نجتنى.. أنا لسه عندى مشوار مع العلاج والحمد لله مقدرتش اتخلص من الورم اللعين كليًا ولسه هكمل علاج لكن ربنا نجانى الحمد لله وربنا يسامحنى على كل يوم كنت بصحتي ومصحتش أحمد ربنا عليه".
واختتمت: "أيها الأصحاء اشكروا الله وادعوا لجميع المرضى بشكركم من قلبى على دعواتكم ربنا يحفظكم".
وكانت الإعلامية أسماء مصطفى قد أعلنت، في وقت سابق، عن إصابتها بـ«المرض اللعين»، مشيرةً إلى أنَّه تسبب في ابتعادها عن الناس منذ أشهر، وأن هذا الغياب سيطول بسبب رحلة العلاج.
وقالت أسماء عبر حسابها الرسمي على موقع «فيسبوك»: «أنا باعتذر طول الفترة اللي فاتت عن الاختفاء، وعدم الرد غصب عني، الحقيقة إني بقالي كام شهر مش عارفة أرد أو اكتب أقول أيه لمعظم الناس، وده كان علشان أمي وعيلتي لحد ما يستوعبوا القصة، وبعد ما عرفت ورضيت، خلاص مش فارق معايا خلاص».
وكتبت المذيعة أسماء مصطفى منشور جديد عن رحلتها مع مرض السرطان وقالت أسماء :«السرطان ده طلع حكاية ورواية ومحطات وأماكن بدون كتالوج حتى قوتك وحربك فى المعركة طلعوا بردوا مش واحد هو لعنة فكل الأوقات بس حتى اختبارات المعركة طلعت بردوا مش».
وأضافت أسماء مصطفى :«يعنى الى بيحارب جوه الميدان غير اللى فى وش المعركة غير اللى واقف على الحدود. سبحان الله له فى ذلك حكم أمال مين يتعلم من مين ونقيس تجاربنا ازاى ونفيد بعض ازاى».
واختتمت :«مفيش كتالوج انت ورزقك انت واختيارك وربنا عارف صبر وقوة كل واحد علشان كده محدش مقياس لحد».
