سعيد شحاتة يكشف سبب رفض حزب التجمع استضافة مؤتمر شعر العامية

أثار الشاعر سعيد شحاتة الجدل قبل انطلاق الدورة الخامسة من مؤتمر شعر العامية بيومين فقط، بإعلانه رفض حزب التجمع استضافة المؤتمر، بسبب رفض الفنان أحمد الجنايني رئيس مجلس إدارة أتيليه القاهرة.

وبالتواصل مع سعيد شحاتة رئيس مؤتمر شعر العامية، قال لـ«الدستور» إنه تفاجئ بهذا الأمر بعد اتصال الكاتب عيد عبد الحليم وإبلاغه بالأمر، موضحا أنه لم يوجد بديل حتى الآن، ولا يزال يبحث عن إمكانية الخروج من هذا المأزق، بسبب ضيق الوقت.

وتابع شحاتة أن الجنايني يرى أن هذا المؤتمر خاص بالأتيليه، وهذا الأمر ليس له أساس من الصحة، لكنه كان يستضيف المؤتمر طوال الأربع دورات السابقة فقط، مؤكدا أن الجنايني يستخدم أسلوبا غريبا في التعامل مع مؤتمر شعر العامية، بتهديده بمقاضاته ومقاضاة الأماكن التي تستضيف المؤتمر.

وكتب سعيد شحاتة عبر منشور له على موقع التواصل الاجتماعي "فيسبوك": «النهاردة وبشكل مفاجئ وقبل المؤتمر بيومين اتصل بي أحد مسئولي الثقافة في حزب التجمع بيعلن رفضه إقامة مؤتمر العامية في الحزب.. نظرًا لأن الأخ اللي بيدير أتيلييه القاهرة رايح يقول لهم دا مؤتمرنا وما ينفعش تعملوه عندكم واللي هيعمله هأقاضيه وهأقاضي سعيد شحاتة.. هل يعقل إن في مكان زي أتيلييه القاهرة يحارب الناس بالشكل لمجرد إننا تحمسنا وعملنا فيه نشاط... وهل يعقل إن أي مكان تعمل فيه نشاط يحاربك لحد ما تسيبه ويحاربك براه عشان ما تعملوش في حتة تانية؟».

واستطرد: «الأتيلييه عمل مهرجان لشعر العامية من فترة... وما اتكلمناش وشكرناهم على مهرجانهم وقلنا يا ريت كله يعمل مهرجانات وندوات وبدأنا نشتغل في مؤتمرنا... بمنطق كل واحد يعمل نشاطه وبرضه كنا تحت أمر المكان... لكن المكان رفض يستضيف مؤتمرنا بحجة إنه عمل مهرجانه...  طاب دا جميل... هل الأخ اللي بيدير أتيلييه القاهرة يسكت؟ لأ... دا لف على الأربع أماكن اللي هنعمل فيها مؤتمرنا بالتهديد والوعيد وإنه هيقاضي اللي هيعمل المؤتمر وإن دا مؤتمره... والناس قلقت ومن حقها تقلق... لذلك حزب التجمع قفل أبوابه في وشنا قبل الافتتاح بيومين... ودا من الأماكن اللي كنا واخدنها ضهر لنا لإيماننا الشديد بفكره ونضاله واستعداده ومحبته... عشان كده ومن باب المصارحة حبيت أقول لكم إننا في أزمة... مش أزمة المكان بس... لا... دا إحنا في أزمة أكبر من كده... متهيألي معظمكم لمسها في البوست... اللي بيدير أتيلييه القاهرة بيهددني بإنه هيقاضيني... وبيهدد الأماكن اللي هتستضيف المؤتمر... رغم إنه مش عايزنا نعمل في الأتيلييه أصلاً... يعني شغال بمنطق اللي لا بيرحم ولا سايب رحمة ربنا تنزل».

وأضاف: “المؤتمر كده من غير حزب التجمع ولو أي مكان تاني قلقان من مقاضاته من أتيلييه القاهرة يا ريت يبلغنا وإحنا نلغي المؤتمر كله... عشان يفضل الوضع على ما هو عليه.... واللي قاعد في مكان مفكر إنه ورثه وورث الأعضاء اللي فيه بأنشطتهم... بالمناسبة أنا فكرة عضوية الأماكن دي مش فارقة معايا ولا عايزها... بس يسيبونا في حالنا وخلاص... وما يعتبروناش من أثاث المكان ولو تركة بيبيعوا ويشتروا فيها... مؤتمر العامية بتاعنا... وضياعه مش هيحصل ومش هنتنازل عن حقنا في إقامة مؤتمر يليق بشعراء العامية... ومش هنلغي إلا في أضيق الظروف... حزب التجمع مش هنعمل فيه نشاط...بس مش هأتنازل عن مؤتمر العامية ولو أي حد حابب يقاضيني لمجرد إني عايز أعمل مؤتمر بالشكل ده... يتفضل ما هو مش غريبة على الناس دي إنهم يقاضوا الكتاب والفنانين ويحبسوهم... دا اللي حصل للأسف الشديد... لكن هنحاول إن شاء الله”.

جدير بالذكر أن المؤتمر مقررعقده خلال الفترة من 28 إلى 30 سبتمبر الجاري، وهذه الدورة جاءت مهداة إلى "عبدالدايم الشاذلي- نجيب شهاب الدين- يسري العزب- عمر نجم- فؤاد حجاج- إبراهيم الرفاعي- عصام ستاتي- حجاج الباي- يسري ذكي- حسن رياض- سمير زكي- خالد عبدالمنعم- محمد ندا- حلمي عمر- سيد شومان".