رامى صبرى يطرح «حالة اكتئاب» ويهديها لشقيقه الراحل (فيديو)
طرح الفنان رامي صبري أغنية جديدة عبر قناته الخاصة علي "يوتيوب" إهداءً لشقيقه الراحل كريم صبري، وكتب في بداية الأغنية إهداء إلى شقيقه الراحل.
وقال المطرب في الإهداء "هذا العمل إهداء إلى روح الحبيب كريم صبري.. فلم يتقاضى أي شخص ساهم في هذا العمل أي عائد مادي برجاء الدعاء له بالرحمة وقراءة الفاتحة".
ونشر رامي صبري الأغنية علي حسابه الرسمي علي موقع التواصل الاجتماعي “فيسبوك”، وعلق عليها قائلًا: "هتسمعوا دويتو حالة اكتئاب اللي كلنا حضرناه في الفترة اللي فاتت بعد وفاة أخي الغالي كريم صبري، دايمًا كنت بقول لكريم نغني مع بعض وهو كان بيرفض لسبب إنه عاوز يغني أول أغنية من غير مساعدتي، وده كان من وجهة نظره اللي مكنتش مقتنع بيها".
وأضاف الفنان: "بس كنت دايمًا بسيبه براحته لحد لما توفى في صدمة ليا وللجميع، كنت غالي عليا أوي يا حبيبي في الجنة إن شاء الله ربنا يرحمك، ويصبرنا أنا ووالدتك ووالدك وإخواتنا علي غيابك وعدم وجودك معانا في البيت ياريت كل اللي يشوف الفيديو يدعيله".
الأغنية كلمات علي الرزاز، هندسة صوتية هاني محروس، عازف الجيتار أحمد حسين، التشيلو يحيى مهدي وأحمد خيري.
وجاءت كلمات الأغنية كالآتي: مبقتش بزعل المشكلة مابقتش فيك دي فيا، إنك مهما تعمل على نفسي بقبل، حتى السكوت أو الاعتذار بقى عندي أسهل، أحسن كتير من ناس يقولوا في حبي بفشل، أحسن كتير من ناس يقولوا في حبي بفشل، معرفش مالي أكيد بجد أنا عندي حالة اكتئاب، مش لاقي حاجة في حياتي حلوة بعد ما أنا عشت في عذاب، معرفش مالي أكيد بجد أنا عندي حالة اكتئاب، مش لاقي حاجة في حياتي حلوة بعد ما أنا عشت في عذاب".
